Македонски легенди

Ванчо Бурзевски

2 минути за читање

Ванчо Бурзевски (2. I 1916 – Скопjе, 8. V 2007) е македонски наcионален деец, учесник во НОБ, економист, универзитетски професор и амбасадор. Бил учесник во МАНАПО во Загреб и во Белград (1938– 1941) и член на КПJ (1941). Бил избран делегат за Второто заседание на АВНОJ и делегат на Првото заседание на АСНОМ. По Ослободуваwето извршувал повеќе општествени и политички функции во СР Македонија и СФР Југославија.

Ванчо Бурзевски е роден на 2 јануари 1916 година во село Немањици, во близина на Свети Никола. Уште како млад се приклучил на прогресивните студентски движења. Бил член на Македонското национално движење (МАНАПО) во Загреб и Белград од 1938 до 1941 година, кога станал член на Комунистичката партија на Југославија.

Во текот на Втората светска војна, Бурзевски имал значајна улога како организатор и лидер. Тој бил член на Месниот комитет на Комунистичката партија на Југославија за Свети Никола и организатор на Воениот комитет за Овчеполскиот регион, потоа секретар на Окружниот комитет на Комунистичката партија на Југославија за Гостивар, член на Окружниот комитет на Комунистичката партија на Југославија за Тетово, секретар на Првиот окружен комитет на Комунистичката партија на Југославија и заменик-политички комесар на дивизијата на НОВЈ. Бил избран за пратеник на Второто заседание на АВНОЈ во 1943 година и на Првото заседание на АСНОМ во 1944 година.

По Ослободувањето, Бурзевски продолжил со истакната политичка и дипломатска кариера.Тој бил секретар на Комисијата за аграрна реформа и колонизација на владата на ФНРЈ, раководител на Контролната комисија на ФНРЈ, член на Централната ревизорска комисија на КПЈ, министер за земјоделство на владата на НРМ, министер за економија на СРМ, републикански и сојузен депутат, член на Централниот комитет на КПЈ, член на Главниот одбор на Социјалистичкиот сојуз на работниот народ на Македонија и СУБНОР на Македонија, амбасадор на Југославија во Замбија, професор и декан на Економскиот факултет во Скопјe и други.

Ванчо Бурзевски починал на 8 мај 2007 година во Скопјe.

Добитник е на Партизанска споменица од 1941 година и на неколку југословенски одликувања.

Подготвил: Т.К.

Поврзани теми:

македонски легенци|Ванчо Бурзевски|македонски деец|партизан

Повеќе на оваа тема:

Најново од: Македонски легенди

Јосиф Јосифовски — Свештарот: Живот положен за слободата на Македонија

Роден на 2 август 1915 година во Гевгелија — загинал на 6 октомври 1943 година кај селото Кленоец, Кичевско. Јосиф Јосифовски — Свештарот е македонски револуционер, учесник во Народноослободителната борба и народен херој. Неговиот живот завршил на само 28 години, во борбите за одбрана на слободната територија во Западна Македонија. Роден во сиромашно семејство во […]

Маца Карбева

Маца Карбева – од борбата за правата на жените до АСНОМ Маца Карбева (20 август 1919, село Војница, Велешко – датумот на смртта не е утврден) била македонска првоборка, учесничка во Народноослободителната борба и делегатка на Првото заседание на АСНОМ. Нејзината дејност започнала во работничкото и женското движење во Велес, а продолжила во илегалната борба […]

Пеце Атанасовски – легендарниот гајдаџија кој го разнесе македонскиот звук низ светот

Пеце Атанасовски (Долнени, Прилепско, 1925 – Скопје, 14 септември 1996) е еден од најголемите македонски народни инструменталисти, легендарен гајдаџија и неуморен чувар и афирматор на македонската изворна музика. Со звукот на својата гајда ја претставувал Македонија на бројни сцени во земјата и во светот, оставајќи наследство што живее и денес. Во историјата на македонската народна […]

Арсениј Јовков – илинденецот кој се бореше за Македонија со пушка, перо и филм

Арсениј Јовков (25 март 1884, село Селци, Струшко – 14 септември 1924, Горна Џумаја, Пиринска Македонија) бил македонски револуционер, илинденец, поет, публицист, новинар и филмски автор. Неговиот живот бил нераскинливо поврзан со борбата за слобода на Македонија, а неговото име останува запишано и во македонската револуционерна историја и во почетоците на македонската кинематографија. Арсениј Јовков […]

Ибе Паликуќа – една од најмладите народни хероини од Македонија

Ибе Паликуќа (Дебар, 1927 – Шутово, Кичевско, 22 септември 1944) била учесничка во Народноослободителната војна во Македонија и една од најмладите жени од Македонија прогласени за народни херои на Југославија. Како борец и политички активист, својот живот го загубила на само 17-годишна возраст. Ибе Паликуќа е родена во 1927 година во Дебар, во албанско семејство. […]

Христофор Жефарович – првиот македонски хералдичар

Христофор Жефарович (околу 1690 – 18 септември 1753) бил зограф, иконописец, бакрорезец, калиграф, калуѓер, трговец и печатар од Македонија. Се смета за прв македонски хералдичар и еден од најбараните уметници на просторот од Солун до Пешта во XVIII век. Во 1741 година во Виена ја објавил книгата „Стематографија“, во која се претставени грбовите на повеќе […]

„Македонија ќе биде слободна!“ – Александар Турунџев (1872–1905)

Александар Турунџев е роден во 1872 година во селото Горно Врбени, Леринско, а се самоубил 30 август 1905 година во Битола. Македонски револуционер, илинденец и војвода, тој останал запаметен како еден од симболите на непокорот и саможртвата во борбата за слободна Македонија. „Македонија ќе биде слободна!“ –тоа биле последните зборови на Александар Турунџев пред неговото […]

Драган Богдановски – живот посветен на слободна и независна Македонија

На 18 септември 1929 година во селото Клечовце, Кумановско, е роден Драган Богдановски, починал на 31 мај 1998 година во Данска, на пат од Шведска кон Германија. Подоцна бил погребан во Куманово Драган Богдановски е еден од најистакнатите македонски политички емигранти по Втората светска војна, долгогодишен борец за македонската национална кауза, претседател на ДООМ и […]
Сите вести од Македонски легенди

Најнови вести

To top