Тихомир Каранфилов
Методија Митевски Брицо (15. IV 1924 ― 1962 ) е македонски револуционер, учесник во НОБ. Во периодот по ослободувањето брзо напредувал во политичка кариера. Бил државен секретар по замјоделие и шумарство, а истовремено и потпретседател на извршниот совет во Македонија член на Полит-бирото ЦК ЦКМ, и пратеник на Народното собрание на Македонија. Во 1962 година го загубил животот под неразјаснети околности.
Методија Митевски Брицо е роден на 15 април 1924 година во Царево Село (денешно Делчево), од татко Зафир и мајка Зуица. Потекнувал од сиромашно семејство. Основно четиригодишно училиште завршил во родното село, прогимназија и гимназија до седми клас во Штип, а осмиот клас и матура во Горна Џумаја (денешен Благоевград). Правен факултет завршил во Скопје.
Во Штип, Брицо се дружел со Ванчо Прке, Ацо Шопов и други младинци, и се приклучил на СКОЈ. По окупацијата активно се вклучил во агитација меѓу месното население зза потребата од кревање на вооружено востание против фашистичките окупатори. По налог Окружниот комитет на КПЈ заминал во Горна Џумаја со задача да воспостави врски со тамошното движење на отпорот против фашизмот.
Во комунистичката партија на Македонија бил примен во 1943 година. Тој е првиот секретар на националниот комитет на Малеш и Пијанец претседател на Штипската и Малешевската околија. Бил и секретар на околниот комитет на КПМ во Битола. Од главниот штаб на НОВ и ПОМ добил задача да го придружува стариот гемиџија, револуционерот Павел Шатев, кој држел митинзи низ населените места.
Во периодот по ослободувањето Брицо брзо напредувал во политичка кариера. Бил на партиски и државни раководни функции во Делчево, Берово, Штип и Битола, потоа на високи функции во владата на Македонија. Во 1960 година бил наименуван за државен секретар по замјоделие и шумарство, а истовремено и потпретседател на извршниот совет во Македонија и како член на Полит-бирото ЦК ЦКМ, и пратеник на Народното собрание на Македонија.
Брицо за својата активност бил носител на повеќе ордени меѓу кои: Орден за заслуги за народот од II ред и Орден братство и единство од II ред.
Методија Митевски Брицо трагично го загубил животот на 17 септември 1962 година, под неразјаснети околности. Официјалната верзија е дека се удавил во несреќен случај во водите на Охридското езеро, но се појавиле шпекуалации и сомнежи за вистината за неговата смрт.
