Македонска Нација
Почитувани следбеници на „Македонска нација“
Поради технички причини и потребата порталот да се приспособи на современите стандарди, создадовме нова, помодерна и пофункционална верзија на „Македонска нација“.
Новиот портал е достапен како и до сега на:
www.mn.mk
Се надеваме дека и понатаму ќе биде ваше место за вистината, историјата и националните прашања поврзани со Македонија и со Македонците во светот.
2026 година – продолжуваме со нов лик, но со истиот стремеж, истата посветеност и истиот завет кон Македонија.
Главен и одговорен уредник: Мане Јаковлески
Технички уредник: Дејан Донев
„Македонска нација“ е национална трибина отворена за секој чесен човек што сака да придонесе за доброто, достоинството и иднината на татковината, без разлика на неговата партиска или верска припадност.
Годините се менуваат, но македонските болки остануваат. И денес повторно се соочуваме со негирање на македонскиот народ, името, јазикот, историјата и идентитетот. Некој повторно се обидува да ни каже кои сме, да ја прекројува нашата историја и да ја приспособува вистината на туѓи интереси.
Но ние знаеме кои сме.
Ние сме Македонци. Знаеме од каде доаѓаме и што ни оставиле Филип и Александар Македонски, Светите Кирил и Методија, Светите Климент и Наум, Илинденците, Асномците и сите наши предци кои се бореле и се жртвувале за Македонија.
Наша должност е на потомците да им оставиме вистина, паметење, достоинство и љубов кон татковината.
Токму затоа постои „Македонска нација“:
Да зборува кога другите молчат.
Да објавува кога другите сокриваат.
Да потсетува кога другите сакаат да заборавиме.
Не сме насочени против ниту еден поединец, народ или сосед на Македонија. Немаме скриени агенди. Нашата цел е да ја откриваме и чуваме македонската вистина, да ја негуваме националната мисла и да го пренесуваме историското паметење од генерација на генерација.
Ова е место каде што мислата е слободна, гласот на Македонецот се слуша, а Македонија секогаш е на прво место.
Вистината мора да живее.
Македонската мисла мора да опстои.
Татковината мора да се брани.
Мора да истраеме – за Македонија, за нашите предци и за поколенијата што доаѓаат.
За да нè има.
За да нè биде.
За да нè заборавиме кои сме и од кој род потекнуваме.
Македонија вечна!
Амин!
Сите текстови, документи, колумни и историски прилози објавени од 17 јуни 2009 до 17 април 2026 година остануваат достапни во архивата:
http://arhiva.mn.mk/
Во неа се зачувани илјадници страници сведоштва, документи, анализи и записи од македонската историја. Тоа не е само архива на еден портал, туку дел од колективната меморија на македонскиот народ.
Отворен повик за соработка
Ги повикуваме сите Македонци, пријатели на Македонија, истражувачи, историчари, публицисти и родољуби да соработуваат со нас.
Испраќајте текстови, фотографии, досиеја, историски документи, лични сведоштва, записи за старите македонски обичаи и информации за Македонија, дијаспората, Егејска и Пиринска Македонија, Мала Преспа и Гора.
Особено се добредојдени документи и сведоштва што со децении биле сокривани, забранувани или недостапни за јавноста.
Материјалите испраќајте ги на:
makedonskanacija@gmail.com
или на:
novo_skopje@yahoo.de
Вашето сведоштво може да спаси од заборав еден човек, еден настан, едно село или цело поглавје од македонската историја.
Заедно да градиме силна, слободна и достоинствена македонска национална трибина.
