Душан Ристевски-Македон
ЈУДАТА ЗАЕВ ПРЕД ВОДИЦИ ГИ ПРЕКРСТИ МАКЕДОНЦИТЕ
Според христијанското верување периодот од Божиќ до Водици е период на некрстени денови. Се верува дека овие денови за човекот се опасни бидејќи тогаш мртвите се во движење, разни вампири, караконџули, вештерки, самовили и други нечисти сили се активни и на сите начини сакаат да му напакостат.
Ете во тој период Јудата Заев со 81 пратеници (вампири и вештерки) ги изгласаа уставните измени и донесоа одлука за прогласување на сите амандмани што произлегуваат од предавничкиот договор од Преспа. И покрај сите молења од претседателот Иванов, од поглаварот на МПЦ Г.Г. Стефан и од македонскиот народ во Републиката и Дијаспората, Заев со „крстот“ на Јуда само со едно кревање ја прекрсти македонската држава. Кумовите САД, ЕУ и Атина со гордост гледаа на Заев како нивното милениче израсна во вистински државник – убиец на својата нација. Ниту бабарите (василичарите, џамаларите, сурваскарите, ешкарите) не можеа да ги избркаат лошите духови во собранието.
И додека во собранието се вртеше погачата (баницата) со парето за да се види кој член од тоа семејство (собрание) ќе биде најсреќен, плачевите и солзите ги гушеше Македонците. А сите пратеници си понесоа со себе по едно паре (пари) да си ги израдуваат своите деца и внуци дека на нивното богатсво ќе му нема крај.
Предавничката одлука за промена на името како некое темно здание се надвисна над Македонците во Дијаспората. Потполен шок и немост завладеа бидејќи и не се веруваше како е можно македонската влада да ја убие својата нација. После одлуката, на Кинг стрит (Широк сокак) во предградието Рогдаел во Сиднеј каде има голема концентрација на Македонци, а и градоначалникот е Македонец, таа и беше темата на разговор. Мажите најгрдно пцуеа по пратениците, а жените колнеа и се молеа денешниот Св Василиј да го штити македонскиот народ. А ги имаше и оние што повикуваа на нов Илинден, Гемиџиите да воскреснат и го остварат сонот за обединета Македонија.
Во Република Македонија Македонецот постана второстепен граѓанин, Македонците во поробените делови на Македонија тотално уништени, а Македонеците во Дијаспората ќе бидат повеќе и повеќе понижувани и исмејувани. Коренот на дабот се уништи, гранките и лисјата набргу ќе се исушат. Но секако, тоа не е важно за среброљупците.
СПАСЕНИЕ
(Божиќна молитва)
Боже Ристос!
Роди се уште еднаш
и дојди во Македонија
за наше спасение:
Немите да прозборат
Слепите да прогледаат
Глувите да прослушаат
Глупавите да се опаметат.
Господе
дојди во Македонија
и спаси не од Јуда.
