Мане Јаковлески
СДС и ДУИ ниту еднаш не се обидоа да го послушаат својот народ и неговите интереси и затоа на наредните избори ќе доживее катастрофа како ниту една политичка партија до денес.
Одамна е видливо, на СДС и ДУИ ништо не им е свето. Нив не ги интересира ни народот, ниту неговата благосостојба, ниту идентитет, име и јазик. Единствено што е свето за нив е да искрадат уште некој милион.
Без срам и перде, користат црна кампања во која се оцрнува сопствената земја пред меѓународната заедница, се оцрнува ВМРО-ДПМНЕ, се измислуваат разни пропаганди, една од нив која цело време ја шират е, тие биле за запат а ВМРО-ДПМНЕ за исток. Бог да чува!
Последниве денови се обидоа нивните катастрофални грешки со Преспанскиот договор, поточно хаосот со личните документи да ја префрлат вината кај техничкиот Министер за внатрешни работи Панче Тошковски, кој успеа со еден потег да го реши проблемот создаден од актуелната влада на СДС и ДУИ.
Ова не е ни прва ни последна шпекулација која може да произлезе од кујната на СДС и ДУИ. Всушност тоа може да се очекува само од луѓе кои немаат визија, луѓе кои немаат програма како да го зголемат стандардот и да ги заштитат интереси на народот.
Едно со сигурност им оди од рака, велемајстори се како да украдат уште некој милион евра.
Врхушката на СДС не собра храброст барем еднаш да го направат правиот потег, освен катастрофално да ја водат државата, финансиски и предавнички-против интересите на соспствениот народ и држава, најверојатно обработувајки туѓа агенда, а не наша македонска.
Просторот за нивни политички игри сe` повеќе им се стеснува.
Време е СДС и ДУИ да заминат во долга пензија, народот гледа, памети и на крај казнува, тоа го покажува и последната анкета:
Огромна предност за ВМРО-ДПМНЕ наспроти СДСМ во третата и четвртата изборна единица
Во емисијата „Објектив“ на МРТ беа презентирани резултати од анкетата на ИПИС направена пред претстојните парламентарни избори закажани за 8. мај.
Во изборната единица 3, огромна предност во рејтингот има ВМРО-ДПМНЕ. Анкетата покажува дека за оваа партија се изјасниле 32,8% од испитаниците а владејачката СДСМ ќе гласаат 14,8% од гласачите покажува анкетата.
Партијата Левица добила поддршка од 3,9% од учесниците во истражувањето, а за партијата ЗНАМ се изјасниле 3,5%. 21% од испитаниците рекле дека не сакаат да кажат за кого ќе гласаат.
Најголема доверба ВМРО-ДПМНЕ ужива и меѓу гласачите во изборна единица 4, покажува анкетата.
Вкупно 30,4% од учесниците во анкетата рекле дека на следните избори ќе гласаат за ВМРО-ДПМНЕ, а 16,9% својот глас ќе го дадат за СДСМ.
Во ИЕ 4 за Левица се изјасниле дека ќе гласаат 3,7%, а за партијата ЗНАМ 2,6% од испитаниците.
На Македонија ѝ е потребна промена и политичка стабилност за да се зголемат инвестициите и вработувањата, и да се спречи лоповлукот.
На македонскиот народ не му се потребни СДС и ДУИ.
На Македонија и е потребен Рестарт.
