Лидерот на ВМРО-ДПМНЕ Христијан Мицкоски го сметам за пријателски настроени кон малцинските народи во Македонија и во своите изборни говори секогаш испраќа пораки за единство и пријателство.
Комунистичкиот поглед кон нас Турците не се промени до ден денес, СДС и ДУИ не се искрени кон нас турскиот народ. Кога ја гледам политичката историја на Македонија, најпријателски настроена политичка партија до турскиот народ отсекогаш била и е ВМРО-ДПМНЕ. Имам целосна доверба дека оваа традиција ќе продолжи и во иднина.
Сите турски инвестиции во Македонија, а ги има многу, дојдоа за време на владата на ВМРО-ДПМНЕ. Во последните 7 години на власт, односите со турската држава беа третирани како во втора класа, а Турскиот народ беше игнориран.
СДС и ДУИ измислија европска песна која ја пеат секојдневно, а народот секојдневно се иселува и Македонија полека ќе стане држава на пензионери, а тие со нивните некадарни политики незнаат каде одат. Тие немаат капацитет да одговорат на прашањето „Кои се условите за влез во Европската Унија?
За влез во Европската унија има неколку услови а тоа се: стабилна демократија, владеење на правото, борба против корупцијата, почитување на човековите права и заштита на малцинствата. Имајќи ги во предвид овие основни критериуми се прашувам, дали Владата во нивното седумгодишно владеење ги исполни овие услови?, со сигурност можам да костатирам, НЕ.
Иако ништо од овие услови не ги исполнија, дали мислат дека ќе ја внесат државата во Европската Унија само со кажување дека се проевропски ориентирани? Престанете да ја залажувате јавноста со празни ветувања. Требаше овие 7 години колку се на власт, напорно да работаат и да ги исполнат овие услови за влез во Европската Унија.
На овие избори ги повикувам сите Турци и сите други во нашата Македонија, на 24 април и 8 мај, да дават целосна поддршка за Гордана Силјановска Дафкова за иден Претседател, а Христијан Мицкоски за иден Премиер во владата на РМ за доброто на нас Турците и за сите останати кои живееме во нашата заедничка држава Македонија заокружувајки го бројот 2.
Улус Луш, Потпреседател на македонската федерација за хокеј на мраз
