НАЈНОВО ОТКРИТИЕ НА БОЈНОТО ПОБЕДОНОСНО ПОЛЕ НА АЛЕКСАНДАР МАКЕДОНСКИ
Гордана Димовска-Австралија
Во Чанаккале, Турција, турските археолози го открија бојното поле на првата персиска победа на Александар Македонски, старо 2.400 години
Археолозите веруваат дека го пронашле местото на првата голема победа на Александар Велики – битката кај Граник – во близина на реката Бига во Чанаккале, Турција.
Во мај 334 п.н.е., Александар се соочил со бројно супериорната персиска војска во битка што го означила почетокот на неговите легендарни освојувања. Неодамнешното истражување предводено од проф. Рејхан Корпе од Универзитетот Чанаккале Онсекиз Март сугерира дека бојното поле се наоѓа на околу 10 километри северно од областа Бига.
Додека археологот од 19 век Хајнрих Киперт шпекулираше за оваа локација, тимот на Керпе користеше геоморфолошки анализи за да ја потврди локацијата. Претходните научници ја сместиле битката во област која всушност била мочуриште во антиката. Сепак, истражувачите идентификувале близок рид што одговара на историските описи за тоа каде биле стационирани персиско-грчките платеници.
Клучно откритие беше античкиот град Хермајон, последната станица на Александар пред битката, потврдувајќи го неговиот пат низ Озбек Коју, Умурбеј и Лапсеки. Дополнително, локалните фармери неодамна откопале фрагменти од човечки коски и оружје на местото на бојното поле, потенцијално поврзани со конфликтот.
Турското Министерство за култура и туризам сега работи на заштита и промоција на локацијата како дел од новата културна патека Александар Велики. Идните геофизички истражувања и ископувања дополнително ќе ги откријат тајните на бојното поле.
Оваа вест е објавена на 5 февруар 2025 на: https://www.anatolianarchaeology.net/
