Додека Венко Филипче и Зоран Заев одмораат на Егејот, очигледно решиле политиката да ја водат преку ширење дезинформации и создавање страв и несигурност кај граѓаните.
Ширењето непроверени информации за исправноста на водата во Скопје е крајно неодговорно. СДС и Филипче не смеат да си играат со довербата на јавноста и со чувството на сигурност кај граѓаните, а најмалку со прашања што непосредно го засегаат нивното здравје.
Надлежните институции реагираа и ги демантираа изнесените тврдења со официјални податоци. Министерството за внатрешни работи, исто така, презеде активности за утврдување на потеклото на информацијата и евентуалната одговорност за ширење паника.
Филипче и СДС конечно треба да разберат дека и политичката борба има граници. Можат да продолжат со својот политички циркус, но граѓаните одамна ја препознаваат нивната матрица и сè помалку им веруваат.
Додека Владата предводена од ВМРО-ДПМНЕ работи на економскиот развој, новите инвестиции, повисоките плати, инфраструктурата и подобрувањето на животниот стандард, СДС повторно се враќа на добро познатото сценарио — лаги, дезинформации и обиди за создавање хаос.
Доста е од неодговорноста на СДС и Филипче. Доста е од ширење паника за дневнополитички поени. Граѓаните заслужуваат факти, сигурност и одговорно политичко дејствување, а не нов политички циркус.
Време е Филипче и СДС да понудат нешто повеќе од лаги и страв. Доколку во партијата сè уште има некој што умее да креира сериозни политики, време е да понудат визија, конкретни решенија и одговорност пред граѓаните.
