МАКЕДОНСКО ЗДРУЖЕНИЕ “АМИНТА“

9 октомври 2017 година, Виторио Венето, Италија

- Веќе три години во градот Виторио Венето, во провинцијата Тревизо, активно работи Македонското здружение АМИНТА.

Во Македонското здружение АМИНТА членуваат околу 100 Македонци, кои како амбасадори на Македонија во Италија ја одржуваат и афирмираат македонската култура, јазик и држава.

- Здружението го формиравме заради обединување на Македонците во северниот дел на Италија. За илустрација, на стадионот во Торино каде што играше Македонската фудбалска репрезентација се собравме 5.000 Македонци. Неопишливо е чувството кога од толку луѓе слушате македонски песни, Македонската национална химна. Ние сме горди Македонци, тоа бевме, тоа и ќе останеме, иако далеку од татковината, - вели претседателот на оваа Македонското здружение АМИНТА Саве Лазароски.

Македонското здружение АМИНТА веќе има македонското културно уметничко друштво “Аминта“ коешто ги негува македонските традиции и обичаи, македонските песни и ора, далеку од родниот крај во Северна Италија. Досега повеќепати заедно настапиле со играорната група на Македонското здружение Филип Втори Македонски.

Со македонското културно уметничко друштво “Аминта“ раководи Даниела Наумовска, која е радосна бидејќи постојано расте бројот на членовите на македонското културно уметничко друштво “Аминта“.

- Проблем се народните носии, но се надеваме дека ќе ги обезбедиме, - вели потпретседателот на македонското културно уметничко друштво “Аминта“, Билјана Колоска.

Приоритет во програмата за работа на АМИНТА е изучувањето на Македонскиот јазик.

Македонското здружение АМИНТА редовно ја претставува Македонија на Денот на македонската култура во рамките на општинскиот Фестивал во Виторио Венето на којшто учествуваат повеќе од 50 организации од Италија и надвор од неа.

Светскиот Македонски Конгрес им посакува успешна работа и активности во македонските работи.