СВЕТСКИ МАКЕДОНСКИ КОНГРЕС

И ПОКРАЈ РАСИЗМОТ НА АНТИМОС И "НЕЗАВИСНИ ГРЦИ", ПРЕДЛОГ ЗА МАКЕДОНСКО-ГРЧКО ПОМИРУВАЊЕ И ДОГОВОР ЗА ТРАЕН МИР И ДОБРОСОСЕДСТВО МЕЃУ МАКЕДОНИЈА И ГРЦИЈА!

7 јануари 2018 година, Атина, Грција - Светскиот Македонски Конгрес (СМК) со индигнација ги отфрла како расистички изјавата на солунскиот митрополит Антимос дека "Македонија значи Грција и Грција значи Македонија“ и изјавата на министерката за Македонија и Тракија, Мариа Коља-Царуха, од редовите на "Независни Грци", дека "Македонија е грчка и Македонија е Грција“, за време на осветувањето на водите и фрлањето на крстот во Белото Мире во Солун, а по повод вчерашниот празник Водици што се слави во Грција.

СМК смета дека партијата "Независни Грци", лидерот на партијата и министер за одбрана Панос Каминас, и Мариа Коља-Царуха како министер за Македонија и Тракија, може да "веруваат дека Македонија е грчка и дека никој нема право да го користи ова име за свои цели", но не смеат да заборават, дека Грција, формирана во 1821 година, до 1912 година била под Олимп и дека за првпат во својата историја ја окупира Македонија во Балканските војни 1912-1913 година, вршејќи геноцид врз Македонскиот народ што трае до денес.

И покрај се' и после се', СМК предлага Договор за траен мир и добрососедство меѓу Република Македонија и Република Грција што ќе ја замени македонско-грчката Времена согласност од 13 септември 1995 година, и Декларација за македонско-грчко помирување во којашто ќе се каже дека, клтурата и историјата на Македонија не се ексклузивно право, туку дел од културно-историскиот идентитет на сите балкански демоси како современи политички нации во чијашто основа е македонскиот етнос, независно од разликите во читањето на историјата од аспект на актуелната геополитика, дури и независно од разликите меѓу современите литературни јазици како производ на современите политички нации!

СМК и натаму бара безусловен крај на разговорите за разликата за државното име со Владата во Атина, и продолжување на членството во Обединетите Нации и во сите меѓународни организации под државното име Македонија, со можност за употреба на уставната додавка “Република“, како јасна разлика од истоимената северна процвинција на Република Грција и југозападна провинција на Република Бугарија, без латинична транскрипција на македонскиот јазик (Republika Makedonija) туку на англиски јазик “Republic of Macedonia“, со меѓународниот код МК односно МКД и нотификација на Македонскиот народ и Македонскиот јазик, на англиски јазик “Macedonian people“ и “Macedonian language“, независно од историските хипотеки од Балканските војни 1912-1913 година - окупацијата врз Македонија и геноцидот врз Македонскиот народ кои се’ уште траат, (соодветно на Република Ирска и Обединетото Кралство Велика Британија и Северна Ирска).

СМК очекува извинување од Атина за историските и општествените неправди против Македонците во Грција, репарации за експлоатацијата на природните и археолошките ресурси од 1912 година како и за штетите врз животите и имотите на Македонците во окупираните територии на Македонија, како и враќање на граѓанските, имотните и наследните права на насилно прогонетите Македонци од Егејскиот дел на Македонија од Балканските војни 1912-1913, Првата Светска Војна 1914-1918, Втората Светска Војна 1939-1945 и Граѓанската Војна во Грција 1946-1949 година!