За разлика од Заев, Претседателот на ВМРО ДПМНЕ Христијан Мицкоски бил и ќе остане на страна на народот и на страна на Македонија

Интегрален текст од изјава на Филип Ѓорѓиев

Почитувани,

Претседателот на ВМРО ДПМНЕ Христијан Мицкоски бил и ќе остане на страна на народот и на страна на Македонија, за разлика од Зоран Заев.

Луѓето кои со месеци протестираа против антидржавните политики на Зоран Заев не се и нема да бидат терористи без разлика што судот и јавното обвинителство под притисок на власта сакаат политички да ги гонат и да се изживуваат со нив и нивните семејства.

Стотици илјади граѓани секојдневно протестираа за зачувување на интегритетот и суверенитетот на Република Македонија. Дури и сите да ги уапси, Зоран Заев нема да успее да го згази чувството на патриотизам и љубовта кон сопствената држава. Дури и сите со политичка и одлука да ги фрли во притвор нема да ја убие љубовта кон Македонија.

Зоран Заев и СДСМ немаат капацитет да го разберат ова. Немаат капацитет затоа што Зоран Заев е уценет човек. Зоран Заев мора да прави концесии на штета на националните и државните интереси за да се спаси од одговорноста за сторениот криминал.

Јавноста виде многу слики и видео материјали од тоа како Зоран Заев барал поткуп од бизнисмени. Конечно видовме и пред судот, јавно признание дека Заев бесрамно земал мито од едно евро за него, едно евро за партијата и едно евро за црквата, по метар квадратен.

Со кој кредибилитет Зоран Заев мисли понатаму да ја води државата ? Има ли друг Премиер во Европа за кој со докази е документирано дека барал поткуп? Уште од колку бизнисмени во Струмица е побаран поткуп? Дали Премиерската функција ја користи за да го продолжи истиот принцип на работа?

Зоран Заев веќе нема кредибилитет да биде прв човек на Владата. Ниедна закана, ниеден притвор и ниедна манипулација не може да ја покријат срамната снимка на која што се гледа начинот на кој што работи.