АВСТРАЛИСКО МАКЕДОНСКИ ТЕАТАР ОД СИДНЕЈ-AUSTRALIAN MACEDONIAN THEATRE OF SYDNEY

Спогодба за уништување на македонската нација

До:Ѓорѓе Иванов,

Претседател на Република Македонија

20 јули 2018

Предмет: Спогодба за уништување на македонската нација

Почитувани претседателе Иванов,

Сведоци сме на уште една уцена од ОН, ЕУ, НАТО и Грција и свесни сме кои се интересите на двајцата наши политичари кои потпишаа спогодба со која се доведува нашата нација на самоуништување.

Претседателе Иванов, како и што изјавивте, оваа спогодба не е ратификована во согласност со Уставот и ја доведува Република Македонија во положба на потчинетост спрема Република Грција и поради тоа ние и целата Дијаспора бара да се поднесе кривична постапка против Заев и Димитров за нарушување угледот на македонскиот народ и државата Република Македонија. Тие со спогодбата (од наше име) се откажаа од се што е македонско: името, идентитетот и јазикот; се откажаа од Македонците кои живеат во поробените делови на Македонија; се откажаа од Дијаспората; се откажаа од македонското историско и културно наследство; се откажаа од државата и суверенитетот.

Таканаречениот договор (кој е шовенистичко-нацистички) се насочува дека ние никогаш не сме биле Македонци и дека нашата македонска нација била вештачки креирана, па сега „благодарение“ на Атињаните ние се „освестивме“, ќе им ги предадеме сите национални обележја и ќе постанеме само „граѓани“ на некоја европска провинција така наречена Северна Македонија. Ова за нас Македонците е големо понижување.

Жалосно, Собранието раководено од Џафери, лице кое никогаш не го почитувал Уставот на Република Македонија, ја ратификува спогодбата и со претење до вас и сите Македонци сака да го промени и Уставот само да се дојде до единствената цел - уништување на македонската нација.

Господине Иванов, ова е капитулантски договор. Не ни е потребно да пристапиме во ЕУ и зачленување во НАТО кога се бара од македонскиот народ самоуништување како држава  и  како народ. Ја подржуваме вашата одлука да не го потпишувате овој предавнички договор и продолжете да ги штитите нашите национални интереси.

Од името на членовите на АВСТРАЛИСКО МАКЕДОНСКИ ТЕАТАР ОД СИДНЕЈ-AUSTRALIAN MACEDONIAN THEATRE OF SYDNEY

Никола Апостоловски

(Благајник)