Миленко Неделковски: ЖЕЛБОТЕКА

Заев има стратегија на ветување на се и сешто, секому и дома и во странство, во секое време. Он е “желботека” кој ветува остварување на секоја и сечија желба. Но, во исто време, он однапред си знае дека ништо од ветеното нема да оствари. Он си има “лажење во најава”.

На оние што мислеа дека и Мицкоски е желботека политичар вчера не им се остварија очекувањата тој да им ја исполни желбата!

Не го кажа магичниот збор #бојкот. Но ја кажа многу поважната реченица дека тој и партијата му, договорот кој е предмет на референдумот не го признаваат.

Значи ВМРО ДПМНЕ и Мицкоски се ПРОТИВ ДОГОВОРОТ, па со самото тоа тој е за него (за нив) непостоечки и ништовен. Тој “договор” е нешто кое не вреди да се разгледува, значи и кое не вреди за него да (се излезе) да се гласа. Тој договор “СЕ КОСИ СО УСТАВОТ на Република Македонија, е ставот она Мицкоски и неговата партија. Затоа партијата е на страна на сите што се против овој договор”.

Ова е повикување на #бојкот без изговарање на тој збор. Членството на партијата доби јасен сигнал и порака. Сето тоа засилено со внатрепартиска активност на терен, гарантира НЕИЗЛЕГУВАЊЕ на членството на референдум, а со самото тоа пропаст на ѓаволскиот план за укинување на Македонија и нејзиниот народ.

Доколку пак, на 30-ти има таен повик за излегување во доцнежните попладневни часови, како што тоа го направи Н. Груевски за да му обезбеди претседателски цензус на Бранко Црвенковски 2004-та, тогаш и Мицкоски и ВМРО ДПМНЕ жестоко ќе бидат казнети на следите парламентарни избори.

Ако веќе се бара слаба страна на вчерашниот прес на Мицкоски, според мене, тоа е зборот “почитуван(иот)” кога му се обраќа на Заев за да го предизвика на ТВ дуел.

Ако е, а е, Заев лажго и лопов, како што во текот на прес конференцијата Мицкоски го оквалификува, тогаш зборот “почитуван” апсолутно не лежи пред неговото име и функција (која исто така е нелегална).

А ако веќе се бара анализа на состојбата во самата партија, синоќешната полноќна прес конференција ми покажа две работи:

1. Од трите потпредседатели, едниот го немаше, а другиот беше турнат на страна до басамаците. Само Кендо си беше таму каде што му личи на еден потпредседател.

2. Партијата постапи онака како што предходно, додека сеуште се чекаше на прес конференцијата, за медиумите изјави Тони Шанац, а не како што за истите медиуми и во исто време изјави “Бејли реформаторот” Богданов. Доколку синојка имало “мини Панорама” во зградата на партијата, очигледно е дека победила здравата струја.

Дудинка.мк