Лигата на Македонците Американци (ЛОМА) испрти протест

До:

Хедер Науерт

Портпарол на Депатмент

Стејт Департмент на САД

Вашингтон

1 октомври 2018 година

Референдумот на Македонија за Преспанскиот договор

Почитувана г-ѓа Науерт,

Лигата на Македонците Американци (ЛОМА) е исклучително разочарана и обесхрабрена од соопштението на Стејт Департментот на САД во врска со резултатите од референдумот во Македонија на 30 септември.

Референдумот ги праша Македонците дали поддржуваат договор меѓу Македонија и Грција, кој бара од Македонија да го промени своето уставно име заедно со многу други шокантни одредби. За македонскиот народ овие барања се неподносливи и недостојни. Затоа, тие организираа движење за бојкот за да го нагласат нивниот презир за договор кој ќе ја смени суштината на нивниот идентитет, достоинство и демократија.

Според тоа, околу две третини од Македонците избраа да не гласаат на овој референдум. Уставот на Македонија бара одѕив на гласачите над 50 отсто, со цел референдумот да биде обврзувачки, што го прави овој референдум неуспешен. Меѓутоа, игнорирајќи ги горенаведените факти, на 30 септември, американскиот Стејт департмент издаде соопштение за медиумите, поздравувајќи го наводниот успех на референдумот.

Македонско-американската заедница е крајно разочарана и обесхрабрена поради континуираната поддршка на САД за промена на името Македонија, кога огромното мнозинство Македонци се противат на промена на своето име. Македонците-Американци сé повеќе ја губат вербата во прaведноста и кредибилитетот на САД. Безчувствителниот и немилосрден напад врз волјата и достоинството на македонскиот народ во светот е речиси неодговорно.

(ЛОМА) ја повикува САД да ја повлечат својата поддршка кон антидемократските сили и политики во Република Македонија. Продолжувањето на оваа агенда за да се види Македонија по секоја цена како членка на НАТО, го загрозува мирот на Балканот. Ве потсетуваме дека патот на Македонија кон членството во НАТО не се наоѓа во континуирано суспендирање на демократските вредности и принципи. Соодветниот пат би бил проследен со осуда и исправка на неодговорните и шовинистички напади на Грција врз македонската нација и народ. Мир и стабилност ќе владеат на Балканот откако Грција ќе го почитува самоопределувањето и суверенитетот на Македонија и на македонскиот народ. Ова вклучува признавање на Македонија како Република Македонија, етнички македонски идентитет, македонски јазик и етничко македонско малцинство во Грција.

Се надеваме дека повторно ќе ја разгледате оваа неуспешна и неправедна политика во која барате Македонија да се откаже од своите принципи, достоинство, суверенитет и име само за да може САД да ги реализираат своите геополитички интереси. Ве потсетуваме дека американските интереси можат да се зајакнат само ако се почитуваат демократските вредности и принципи на кои се заснова оваа нација.

Со почит,

Виктор Синадиноски, коосновач

Лига на Македонци Американци

www.leagueofmacedonians.org

Оваа е-пошта е заштитена од spambots, треба да вклучите JavaScript за да ја видите