Мане Јаковлески
Транскрипција и превод на македонски јазик
СФР Југославија
Сојузен секретаријат за внатрешни работи
Служба за истражување и документација
СОЈУЗЕН СЕКРЕТАРИЈАТ ЗА ВНАТРЕШНИ РАБОТИ
– Служба за државна безбедност – Втора управа –
БЕЛГРАД
ПРЕДМЕТ: ГОЈКО и МАНОЈЛО ЈАКОВЛЕВСКИ – непријателска дејност
ВРСКА: Наш строго доверлив број 1250 од 28 март 1984 година
Распоредуваме со информација дека минатиот месец Гојко Јаковлевски и Деновски Стево, од околината на Прилеп, престојувале во Париз, но не ни се познати причините за тој престој.
Инаку, Гојко го финансирал отворањето на уште еден ресторан во Дортмунд, на улицата „Гнаденорт“ број 8, под фирмата „Гоце Делчев“. Овој ресторан го води еден наш државјанин, носител на наша патна исправа.
Како и во ресторанот на Јаковлевски, изработил визит-картички со фотографии на Гоце Делчев и Александар Трети. Меѓу фотографиите е вцртана карта на „Голема Македонија“, со грб на кој се наоѓаат три факели, кои ги симболизираат Егејска и Пиринска Македонија.
Гојко во кругот на своите пријатели раскажува дека во текот на 1983 година двапати бил повикуван и сослушуван од полицијата на Западен Берлин поради основано сомнение дека соработува со источноевропските служби – СССР и Бугарија – тврдејќи дека ова му го „наместила“ македонската Служба за државна безбедност.
Добивме известување од повеќе извори дека Гојко има намера, преку еден турски државјанин, во земјата да префрли разновиден пропаганден материјал, кој требало да го прифати неговиот брат Јаковлевски Манојло, кој кон крајот на минатата година од Западен Берлин се вратил и се населил во Гостивар.
Како што ви е познато, Манојло, исто така, имал ресторан во Западен Берлин, кој го носел името „Македонија“. Како и неговиот брат Гојко, тој на менијата и на други печатени материјали прикажувал „Голема Македонија“ – Вардарска, Егејска и Пиринска.
Бидејќи имаме можност, за почеток, делумно оперативно да ја покриеме непријателската дејност на Гојко Јаковлевски, молиме Службата за државна безбедност на Социјалистичка Република Македонија да ни ги достави и своите расположливи податоци за неговата непријателска дејност.
Прилог: Фотокопија од [нечитливо] стикер, кој бил делен во ресторанот на Манојло Јаковлевски.
ЗД/НГ
НАЧАЛНИК: [името и потписот се прикриени]
Архивска напомена: Документот е датиран на 16 мај 1984 година. Текстот е преведен од српскохрватски на македонски јазик и кирилица. Прикриените или недоволно читливите службени податоци се означени, без претпоставување на нивната содржина.
