Среда, 13 Ноември 2019   
ЦРТИЧКИ И ОТРОВНИ СТРЕЛИЧКИ - XXXV

Martin Trenevski

М-р Мартин ТРЕНЕВСКИ, поранешен министер и амбасадор

ЦРТИЧКИ И ОТРОВНИ СТРЕЛИЧКИ - XXXV

1.Македонија е во вистински транс! Шест месеци пред консензуално утврдениот термин на партиите за предвремени парламентарни избори (12-ти април, 2020) и двете политички опции - и позицијата и опозицијата фуриозно настапуваат во јавноста со цел да се додворат на гласачите и да го привлечат нивното внимание и симпатии за да обезбедат глас повеќе.

Власта најави донесување на мамутски, до сега најголем буџет од осамостојувањето од над четири милијарди евра со кои пари - внимавајте: најмногу ќе се инвестирало во човечки ресурси. Со други зборови, најголем дел од парите ќе одат за купување социјален мир, но пред се за купување гласови за подршка на претстојните избори. Ветувања за зголемување на платите добија сите што побараа, од просветните работници, здравствени работници, кој се не, а потпретседателката на Владата Радмила Шекеринска побрза да обзнани дека туку што потпишала колективен договор со синдикатот на одбраната што подразбира дека и припадниците на армијата ќе се офајдат финансиски. (Тоа што Шекеринска им ускрати еден милион евра од буџетот за одбрана за финансирање на пропаднатиот референдум - никому, ништо!?).

На власта им дојде на припомош и фамозниот Сорос кој го испрати својот син Александар во тајна мисија во Македонија небаре да се запознаел со актуелните случувања во Македонија. А многу добро е познато од досегашната пракса: Џорџ Сорос е еден од главните финансиери на шарената револуција  што изврши удар и ја собори легално избраната влада на Груевски.

Сосема очигледна е подршката на значајни фактори во "меѓународната" за опстанок на власт на владата на Заев и обезбедување негов втор четиригодишен мандат бидејки таков слуга на нивните интереси, а на штета на интересите на сопствениот народ, можеа само да посакуваат! Впрочем, дотичниот треба да испорача уште нешто - со наштиманиот попис процентот на албанци во Македонија да се забетонира по секоја цена на 30% (а реално се едвај 15%).

2.Медиумите соопштија дека Александар Сорос во Охрид остварил Средба со лицето Зоран Заев, но и со Стево Пендаровски. За блискоста на Заев со Сорос има многу потврди: јануарската средба на стариот Сорос прегрнат со Заев во Давос, Швајцарија, тејните средби во Виена и сл.

Но проблематично е шурувањето на Стево Пендароски со Соросоидите бидејки ако претендира да биде претседател на сите граѓани мора да внимава со кого се среќава и со која цел го прави тоа!

Можеби е време опозицијата да размисли да го преиспита својот однос кон Стевота бидејки тој очигледно не може да се одвои од папчената врска со актуелната власт!?

3.Потпретседателот на Владата за економски прашања Кочо Анѓушев најави дека се повлекува од политиката по завршувањето на мандатот на актуелнава влада!? Според Анѓушев, тој посветено работел и го употребил сето свое знаење за интересите на земјата, но одсуството од бизнисот му наштетило со пад на приходите на фирмите што ги поседува од 50%.

А колку тендери добија неговите фирми од владата која дури менуваше закони ексклузивно за  бизнисите на Анѓушев ќе треба секако да утврди некоја комисија што неопходно ќе треба да се формира по падот на оваа власт!.

4.На шовинистичката антимакедонска пропаганда од соседите неодамна се приклучи и националната телевизија во Србија РТС која во програмата "Квадратура на кругот" искажа теза дека Мијаците биле старо српско племе кое денес живее во западна Македонија!? Ваква теза пласираше етнологот Бранко Станковиќ според кого "денешните потомци на Мијаците ги задржале обичаите на српската династија Немањиќ"!?

За познавачите на оваа проблемаатика во Македонија ваквите тврдења се обична фактографски и историски неоджлива пропаганда! Се поставува прашање која е целта на вакви подметнувања и провокации сега, на зовириенит Балкан, којшто се соочува со најавина ЕУ ззза дистанцирање од овој регион, трупање на оружје и опасните жаришта што многу лесно можат да испровоцираат нов конфликт со непредвидливи размери!?

5.По повод устоличувањено на јапонскиот престол на новиот Императорот Нарихито, членовите и основачите на Македонско-Јапонското друштво на пријателство и соработка, поранешниот министер и амбасадор М-р Мартин Треневски и познатиот ликовен уметник Живко Поповски Цветин упатија честитка до неговото царско Височество, Императорот Нарухито со израз на најубави желби за мир и просперитет на пријателска Јапонија.

Честитката се состои од пригодно писмо и прекрасен примерок на слика од серијата "Цвеќе на мирот", со која серија Поповски-Цветин се прослави ширум светот.

Императорот Нарухито го превзеде јапонскиот царски престол по абдикацијата на неговиот татко, императоот Акихито на 1ви мај годинава, кој беше владетел на Јанпонија од 1989. година. Императорот Нарухито е 126ти цар на Јапонија. Јапонската царска династија започна од шестиот век пред нашата ера и е најстара царска династија на планетава.

Заслужува внимание податокот што Живко Поповски Цветин досега има подарено над 50.000 слики од сериалот "Цвеќе на мирот" на стотици државници и познати уметници ширум светот. До сега имал десетина самостојни изложби на кои прикажал свои слики со темата "Цвеќе на мирот", а добитник е на повеќе домашни и странски награди и признанија.

Добитник на прекрасна слика "Цвеќе на мирот" е и сега веќе бившиот Император на Јапонија, царот Акихито, кога го превзеде престолот во 1989та година, по што практично започнаа бројните активности на Македонско-Јапонското друштво на пријателство и соработка, што кулуминираа со отварање на Јапонска амбасада во нашата земја.

Јапонија е еден од најголемите донатори на Македонија. Со јапонска финансиска помош се опремени повеќе болници во нашата земја, а најголема помош е секако финансирање на системот за водоснабдување "Злетовица".

cveke

На сликата: Сликата "Цвеќе на мирот" од Живко Поповски Цветин подарена на царот на Јапонија Нарухито

 

На прво место

News image

Никола Груевски: Секој министер треба да знае што зборува, доколку сака народот да го смета за сериозен

Никола Груевски: Секој министер треба да знае што зборува, доколку сака народот да го смета за с...

Историја

News image

Македонскиот етнос и етногенезата на Македонските династии

Краток опис на античката историјата за Македонија и нејзиното име

Иселеници

News image

ОМД: Венецијанската комисија и официјално против законот за јазици

ОМД: Венецијанската комисија и официјално против зако...

Култура и туризам

News image

Брсјаци и Мијаци

Брсјаци и Мијаци, двете најсочувани племиња на нашата територија, вечните ривали но сепак најдобри...

Фељтон

News image

ОД ПАНОНИЈА ДО ЕГЕЈ (39)

ОЛИМПИСКИОТ ПАНТЕОН ВО ПАНОНИЈА -III ДЕЛ

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.