Извршниот Комитет на ВМРО-ДПМНЕ по предлог на Претседателот Христијан Мицкоски вечерва изгласа одлука за официјализирање на Унијата на Ветерани.

Честитки!!!

Голема благодарност до Претседателот на ВМРО-ДПМНЕ, Христијан Мицкоски, Генералниот Секретар Ѓорѓија Сајкоски и членовите на ИК, што после долгогодишната неправда, собраа храброст и најдоа сили во вакво генерално тешко време од секој аспект, да ја вметнат УВ во статутот за да денес официјално имаме уште едно силно партиско тело.

За нас основачите и ветераните тоа не претставува само особена чест и задоволство, туку и признание за долгогодишните жртви и заложби за доброто на партијата и државата, а истовремено и обврска за понатамошна борба за конечен пад на оваа ненародна власт.

Денес меѓу нас го нема основачот и идеолог на ВМРО-ДПМНЕ, Драган Богдановски и многу други наши сопартијци и патриоти кои се вложија во ВМРО-ДПМНЕ, но, нивниот вмро-вски дух ни влева сила, надеж и волја да истраеме и да одиме само напред.

Вечна им слава на сите!

Де­нес, ко­га има­ме сво­ја ма­ке­дон­ска др­жа­ва, да не ги пра­ви­ме исти­те гре­шки од ми­на­то­то. Да не се де­ли­ме! Да се бо­ри­ме за ма­ке­дон­ско­то на­ци­о­нал­но единство! Да ја про­дол­жи­ме иде­о­ло­ги­ја­та ко­ја ја втемеливме де­ве­де­сет­ти­те годи­ни!

Со заедничка ангажираност на сите нас, Ма­ке­до­ни­ја ќе из­ле­зе од кри­за­та мно­гу по­сил­на и по­о­бе­ди­не­та, само и само пред­во­де­на од ВМРО-ДПМНЕ.

Ние ветераните, ги повикуваме сите кои на некој начин се незадоволни или разочарани, се пасивизираа или застранија, да се вратат каде што им е местото, да ја вратат вербата во организацијата, да се вратат “дома“ во ВМРО-ДПМНЕ.

Унија на Ветерани на ВМРО-ДПМНЕ на чело со Претседателот Христијан Мицкоски, Генералниот Секретар Ѓорѓија Сајкоски и ИК, продолжува пообединето, поорганизирано, посплотено...

Уште еднаш едно големо благодарам до Претседателот Христијан Мицкоски, Генералниот Секретар Ѓорѓија Сајкоски и членовите на ИК за оваа одлука. Ја имате нашата безрезервна поддршка!

Заедно сме посилни! Борбата за Македонија е вечна!

Да живее ВМРО - ДПМНЕ! 

Да живее МАКЕДОНИЈА!