|
|
| Семакедонски мирен протест под слоганот “Демократија во Македонија и Слобода на уставобранителите!“ |
|
Свекрва - По повод годишнината од настаните во Собранието на Македонија на 27 април 2017 година, Македонците во светот и татковината, македонските заедници и организации од Европа, Канада, САД и Австралија, единствени и обединети, на 25 април 2021 година (недела) во Скопје организираат Семакедонски мирен протест под слоганот “Демократија во Македонија и Слобода на уставобранителите!“ Порано судбината на македонскиот народ беше решавана без негово учество, денес судбината е во негови раце. Денес на македонскиот народ во земјата му е потребна иста таква поддршка од својата дијаспора каква што ја доби во деведесеттите години кога Македонија се осамостои и кога ги правеше првите чекори како самостојна и независна држава на меѓународната сцена. Ова е време кога македонската дијаспора треба да тргне по стапките на своите претци. Токму сега е вистинскиот момент кога нашите браќа и сестри треба да го дадат својот допринос за Македонија. - Света должност на секој Македонец е да ја чува својата татковина, зошто тој нема резервна! - Света должност на секој Македонец е да го чува македонското име, идентитет и јазик! - Света должност на секој Македонец е да се грижи Македонија да не исчезне од картата на светот! - Света должност на секој Македонец е да се грижи за македонскиот народ како дома така и во дијаспората, во егејска и пиринска Македонија! - Света должност е да се чува аманетот на нашите претци! Семакедонскиот протест на 25 април 2021 година (недела) во Скопје, почнува пред Владата во 11.00 часот.
Маршот од пред Владата тргнува во 12 часот по булевар “Даме Груев“, Булевар “Димитрие Чуповски“, Булевар “11 Октомври“, до Собранието на Македонија во 13 часот.
Семакедонскиот Народен протест пред Собранието ќе трае до 15 часот.
Бог да ја чува Библиска Македонија, Амин!
Повик за протест: https://mn.mk/aktuelno/19567-Bobi-Temelkov--SEMAKEDONSKI-NARODEN-PROTEST-NA-MAKEDONCITE-VO-SVETOT-I-VO-TATKOVINATA |
