Дали вреди да се влезе во ЕУ ако таа е неправедна и ги прекршува своите принципи!?

Додека Украина и Молдавија добија статус на  кандидати без било какви услови,  Македонија повторно доби тешки услови. По Грција која бараше промена на името, сега за кревање на ветото за почеток на преговорите за членство во ЕУ, Бугарија бара во преговарачката рамка за Македонија да бидат вметнати идентитеските прашања јазикот, идентитетот и историјата.

Апсурдот да биде поголем е што Украина доби кандидатски статус иако е во војна со својот сосед и никој не знае што ќе биде со неа, а Македонија која е под политичка агресија од Бугарија, не може да започне преговори за членство во ЕУ?

Ваквиот пристап на ЕУ кон Македонија, како и кон другите држави од т.н. Западен Балкан, Албанија, Србија, Црна Гора и Босна и Херцеговина, кои исто така ништо не добија, иако со години исполнуваат разни услови, говори за тоа дека заедницата кон која тежнееме ги изгуби своите принципи и ги изгуби своите вредности.

Едноставно европските вредности прво беа киднапирани од Грција, а сега од Бугарија, и ако вака продолжи можеби ќе се јави друга Грција или друга Бугарија што предизвикува негативна слика за ЕУ и го зголемува евроскептицизмот во земјата. Народот не само во Македонија туку и во т.н. Западен Балкан веќе се прашува што сака Брисел и дали вреди да се влезе во ЕУ ако таа е неправедна и постојано ги прекршува своите принципи.

Брисел не сака да ја види оваа реаланост со погрешните политики и мисли дека може до бескрај да ги уценува балканските држави кои тежнеат да станат членки на ЕУ.

Имено на Самитот во Брисел на 17 декември 2005 година Република Македонија се стекна со статус земја кандидат за членство во ЕУ. По речиси 16-17 години Македонија сеуште нема добиено датум за почеток на преговори. Тоа е голема неправда со оглед на тоа што Молдавија и Украина, која е во војна, добија статус на  кандидати без било какви услови!, а спорот со Бугарија која го оспорува идентитетот на Македонците е спротивно на европските критериуми.

Невкусно е однесувањето на ЕУ која на Македонија и задава такви услови кои никој жив не би ги прифатил. Таков е Францускиот предлог, што значи дека македонскиот народ треба да прифати барања од Софија што би значило самоубиство за Македонците. Односно ЕУ заради својата членка Бугарија, бара од македонскиот народ да се бугаризира

Едуард Џозеф, еден од подобрите познавачи на политиките на Балканоти предавач на Меѓународните студии Џонс Хопкинс, како што пренесуваат медиумите, смета дека „пристапот на Бугарија кон Македонија е сличен како тој на Русија кон Украина, само што нема воена агресија.“

Дали тоа значи дека Македонија треба да започне војна со соседите за да ги врати окупираните делови од етничката и географска територија  на Македонија, за да може македонскиот народ да добие датум за праговори!?  Дали тоа значи дека со предлогот на Франција на македонскиот народ му се дава пример и му посочува што треба да направи и како треба да се жртвува ако сака да биде членка на ЕУ!?

Во ред Македонците, а богами и другите балкански народи (Србите, Хрватите, Црногорците, Бошњаците Албанците,...), можат да поднесат уште една војна, во режија на меѓународната заедница, но дали ЕУ и светот може?

Војната во Украина мириса на Трета светска војна, но вистинскиот почеток на Третата светска војна ќе биде ако се запали искрата меѓу Македонија и Бугарија.

Зарем светот заборави на Првата светска војна, зарем заборави на Македонскиот (Солунски) фронт?.

НИЕ Македонците, се залагаме за пристапување на Република Македонија во ЕУ, но, само со почитување на европските вредности и сувереното право на државата да си го определи својот национален идентитет!

Дојде часот кога секој Македонец треба да застане во првите редови во одбрана на идентитетот, јазикот, во одбрана на демократијата, за да ја зачуваме слободата и да не станеме граѓани од втор ред во својата земја.

И на крај пост на Тања Каракамишева на ФБ:

Уште еднаш ЈАСНО И ГЛАСНО!

Меѓународното и европското право СЕ МРТВИ во случајот со Македонија!

Пред наши очи се случува КУЛТУРЕН ГЕНОЦИД НА МАКЕДОНЦИТЕ од страна на ЕУ!

Сведоци сме на геноцид и етноцид од најмизерен вид!

Прекин на преговорите со ЕУ под вакви фашизоидни услови!

Ова не е демократија!

Ова не е владеење на право!

Ова не се човекови слободи и права!

ОВА Е ХОРОР!!!