Венко Филипче и раководството на СДС, заслепени од желбата повторно да дојдат на власт, а соочени со сѐ помалата поддршка кај граѓаните, решително се ставија на страната на официјална Софија.
Како да не разбираат дека токму ваквиот пристап и безрезервното прифаќање на бугарските позиции се една од главните причини за нивниот политички пад и губење на довербата кај граѓаните.
Се поставува прашањето: дали е можно некој да биде подготвен безусловно да прифаќа диктати од официјална Софија, и тоа по прашања што директно се однесуваат на македонскиот национален идентитет, историјата и државните интереси? Дали е можно некој да инсистира на исполнување на бугарските барања, иако е јасно дека тие не завршуваат само со внесувањето на Бугарите во Уставот, туку отвораат простор за нови условувања и нови притисоци?
За жал, одговорот е потврден од секојдневната политичка реалност. Наместо да ги брани македонските национални интереси, Венко Филипче сѐ почесто настапува како гласноговорник на политиките што доаѓаат од Софија. Наместо да бара гаранции за Македонија, тој поддржува решенија кои ја ставаат државата во подредена позиција.
Ваквиот однос не останува незабележан од јавноста. Граѓаните јасно препознаваат кога некој ги застапува интересите на Македонија и кога некој е подготвен да прави отстапки без јасна национална придобивка.
За разлика од таквиот пристап, ВМРО-ДПМНЕ јасно ја става Македонија на прво место. Политиките што ги спроведува се насочени кон заштита на националните интереси, економски развој и подобрување на животниот стандард на граѓаните.
Македонија има потреба од европска иднина, но таа не смее да биде изградена врз откажување од сопствениот идентитет, историја и достоинство. Вистинскиот европски пат подразбира почитување на европските вредности, взаемна почит и рамноправност, а не прифаќање на уцени и еднострани барања.
Токму затоа ВМРО-ДПМНЕ останува доследно на ставот дека Македонија треба да напредува кон Европската Унија со зачувани национални позиции, достоинство и јасни гаранции за македонскиот идентитет, јазик и историја.
