На прво место

Македонија седма најбрзорастечка економија во Европа според прогнозата на ММФ

Според анализата што ја пренесува Euronews, Македонија во периодот 2027–2031 година се очекува да оствари просечен раст од над 3%, далеку над просекот на еврозоната.

Според последната прогноза на Меѓународниот монетарен фонд за растот на европските економии, Македонија се најде на седмото место меѓу најбрзорастечките економии на стариот континент. Во анализата се опфатени сите земји во Европа, а не само членките на Европската Унија, пренесува Euronews.

Со просечен раст од над 3% во периодот од 2027 до 2031 година, Македонија го зазема седмото место, далеку над просечниот раст од 1,2% што се предвидува за најголемите економии во ЕУ. За Германија, пак, прогнозата е 0,92%.

Македонија е една од ретките европски земји кои, според проекциите, ќе го следат светскиот тренд на раст, диктиран од големите економии како Кина, Индија и останатите водечки светски економии.

Малта е на првата позиција според предвидениот раст, додека во првата десетка значајно место имаат и земјите од таканаречениот Западен Балкан.

Според прогнозата на ММФ, се очекува високиот јавен долг, стареењето на населението, слабата продуктивност, долгорочните трошоци за енергија и постојаната геополитичка неизвесност да го задржат растот на водечките европски економии далеку под историските норми во остатокот од деценијата.

Според најновите светски економски перспективи на ММФ, еврозоната во просек ќе расте за само 1,2% годишно во периодот од 2027 до 2031 година. Најсилната година за еврозоната, според прогнозите, би била 2028 година, кога растот би достигнал 1,4%.

Пошироката Европска Унија се очекува да оствари нешто подобар просек, од околу 1,4% годишно, со највисок раст во 2028 година од 1,6%.

Тоа претставува скромна економска слика според речиси сите мерила. Во истиот период, глобалното производство се очекува да расте за околу 3,2% годишно. Азија во развој би требало да бележи раст од 4,6% годишно, Индија од 6,5%, додека и подсахарска Африка е на пат да оствари раст од 4,6%.

Сепак, според анализата на Euronews, група помали европски економии, од Медитеранот, преку Западниот Балкан, до Источна Европа, се очекува да растат со повеќе од двојно побрзо темпо од еврозоната во следните пет години.

Во таа група, Македонија се издвојува како една од економиите со најдобри среднорочни изгледи, според проекциите на Меѓународниот монетарен фонд.

Најново од: На прво место

35 ГОДИНИ ОД ПРВИОТ УСТАВ: ТОДОР ПЕТРОВ ГО КРЕНА ПРВОТО ДРЖАВНО ЗНАМЕ СО ШЕСНАЕСЕТЗРАЧНОТО СОНЦЕ ОД КУТЛЕШ

35 ГОДИНИ ОД ПРВИОТ УСТАВ: ТОДОР ПЕТРОВ ГО КРЕНА ПРВОТО ДРЖАВНО ЗНАМЕ СО ШЕСНАЕСЕТЗРАЧНОТО СОНЦЕ ОД КУТЛЕШ Свечена седница, историски сведоштва и изложба во Собранието на Македонија по повод 35-годишнината од донесувањето на првиот Устав на суверена и самостојна држава Македонија.** **СКОПЈЕ, 17 ноември 2026 година** – Со свечена седница во Собранието на Македонија беа […]

18 ноември 1944 – Ослободен е Гостивар

На 18 ноември 1944 година, во попладневните часови, Петнаесеттата македонска бригада на 48. дивизија прва влегла во Гостивар. Градот бил ослободен истиот ден, во завршните операции на Народноослободителната војска на Македонија во западниот дел на земјата. На ослободувањето на Гостивар му претходеле тридневни борби во Кичевско. Од 15 до 17 ноември, на потегот од Кичево […]

35 години од првиот Устав на независна Македонија

На 17 ноември 1991 година, Собранието го усвоил првиот Устав на независна Република Македонија со 92 гласа „за“ и 22 „против“. Со Уставот, донесен по референдумот за независност од 8 септември 1991 година, биле утврдени државното уредување, основните права и слободи на граѓаните и поделбата на власта на законодавна, извршна и судска. Референдумската одлука за […]

Амбасадорите на Вишеградската група со порака од Скопје: Македонија има сојузници на патот кон ЕУ

Во заедничкиот текст по повод 17 ноември, амбасадорите на Словачка, Чешка, Полска и Унгарија ја поврзуваат 35-годишнината од донесувањето на Уставот на независна Македонија со демократските промени во Централна Европа во 1989 година. Словачка, Чешка, Полска и Унгарија остануваат поддржувачи на европската интеграција на Македонија и застапници на нејзиното членство во Европската Унија. Ова е […]

ВМРО-ДПМНЕ бара одговори од Филипче и СДС за влезот на Алта банка

Филипче и СДС се во политички ќорсокак, фактите и документите за Алта Банка ги демаскираа лагите затоа сега се кријат и бегаат од одговори Кога фактите и документите за Алта банка излегоа на површина Филипче и СДС се кријат и бегаат од одговорност. Откако со месеци ја користеа Алта банка за ширење политичка паника, Филипче […]

Вајц ја гледа Македонија меѓу предводниците во преговорите со ЕУ

Во обраќањето пред Собранието, европратеникот ја нагласи важноста на доследната примена на законите за привлекување инвестиции и на изборот на стручни кадри за враќање на довербата во институциите. Томас Вајц, Македонија, Европска Унија, пристапни преговори, блокади од Бугарија, владеење на правото, парламентарен надзор, борба против корупцијата, избор на раководни кадри, доверба во институциите Македонија, со […]

Мицкоски од Брисел – проширувањето на ЕУ мора да се темели на заслуги, реформи и резултати

Премиерот Христијан Мицкоски денеска во Брисел порача дека проширувањето на Европската Унија треба да се темели на заслугите на земјите кандидати, на спроведените реформи и на конкретните резултати. Тој се обрати на Форумот за проширување на ЕУ („EU Enlargement Forum 2026“), во организација на Европската комисија. Мицкоски истакна дека Македонија е посветена на спроведувањето на […]

До кога ќе бидат исклучени микрофоните на Бихаќка?

На Бихаќка, по неколку месеци силен тон за Алта банка, микрофоните одеднаш стивнаа. Штета, токму кога публиката почна да поставува прашања. А првото беше сосема едноставно. Кој прв ја отворил вратата за Давор Мацура да купи акции во Македонија? Според Манасиевски од ВМРО-ДПМНЕ, одговорот води до времето кога СДС беше на власт. Ако е така, […]

To top