Клеопатра Македонска

Лути сте знам, и јас сум лута, толку лута што се преморив од работа за овие локални избори.

Лута сум на сите оние што помогнаа циркузанти да ни ја водат државата.

Лута сум и на сите оние кои не работеа доволно и индиректно ги донесоа циркузантите на власт.

Морам да ги ословувам со циркузанти, ми се виде како најпогоден збор.

А како поинаку да ги нарекувате шутовите кои служат за потсмев во целото соседство, па и пошироко?

Како поинаку можат да се наречат оние кои едно зборат наутро, а со сосема спротивен став си легнуваат? Муви без глава или циркузанти.

Драги мои ВМРОВЦИ.

Нашето име не е случајно. Само одбраните имаат чест да се нарекуваат така. Не се споредувајте со полтронашите, профитерите, приврзоците. Тие не се ВМРО. Не се симнувајте на нивно ниво, да се борите за едно работно место, за една функција, да си го дадете газот под кирија.

Вистинскиот ВМРОВЕЦ не трпи уцена, вистинскиот ВМРОВЕЦ знае како да добива и како да губи, знае да падне, за да мора потоа да се исправи, погорд и посилен од порано.

Драги мои ВМРОВЦИ.

Не дозволувајте нашиот идеал да се сруши поради ситна дневна политика и рекла казала. Издигнете се над здодевното секојдневие, над минливите земски придобивки и зачувајте ја светоста на нашите свети букви.

Историјата нема да не памети по тоа дали сме носеле брендирана облека и скап телефон, ќе не памети само по тоа што не сме попуштиле пред многу посилниот непријател односно непријатели.

Сите нас еден ден ќе не нема ама таа, Македонија, ќе преживее, таа секогаш преживувала.

Казните и лутешките да ги оставиме за подоцна. Работите ќе си дојдат на место, ама нас може да не згази времето...

Да го направиме последниот напор и да останеме заедно, за неа, за Македонија!!!

Зарем ТАА не го заслужува тоа???