СВЕТСКИ МАКЕДОНСКИ КОНГРЕС

МАКЕДОНСКО-ПАЛЕСТИНСКА СОРАБОТКА

8 ноември 2017 година, Брисел, Белгија

- Претседателот на Светскиот Македонски Конгрес Тодор Петров за време на одржувањето на Првата Меѓународна конференција за Палестина во Европа се сретна и оствари средба со г.Тајсер Кхалед, член на Извршниот комтитет на ПЛО истовремено шеф на Одделението за односи со палестинските иселеници и со г.Салех Рафат, член на Извршниот комитет на ПЛО и шеф на Одделението за воени и безбедносни прашања.

Претседателот на Светскиот Македонски Конгрес и директорот на Одделението за односи со палестинските иселеници разменија искуства за организацијата и работата на Македонците и Палестинците во светот. Тодор Петров и Тајсер Кхалед постигнаа согласност за потпишување Договор за соработка меѓу Светскиот Македонски Конгрес и Светскиот Палестински Конгрес.

Претседателот на Светскиот Македонски Конгрес му предаде на г.Тајсер Кхалед писмо од Светскиот Македонски Конгрес до Палестинскиот претседател г.Махмуд Абас со иницијатива за меѓусебно признавање и воспоставување дипломатски односи меѓу Македонија и Палестина, што со задоволство беше примено.

Претседателот на Светскиот Македонски Конгрес му предаде на г.Тајсер Кхалед покана до Архиепископот од Себастија при Ерусалимската Патријаршија г. Теодосиос да ја посети Македонската Православна Црква и Македонија, што со задоволство беше примено.

Претседателот на Светскиот Македонски Конгрес иницира изградба на Македонски културен центар и Македонска православна црква во Хеброн, Јерихон или Витлеем и збратимување на македонски општини со овие стари библиски градови.