|
|
| Дојде време да ја спасуваме Македонија од Македонци! |
|
Зоран Заев и врхушката на СДС, ставајќи се во служба на странски центри на моќ ги загрозија националните интереси на македонскиот народ и држава. Поддржани од нив, на крајно сомнителен начин ја презедоа власта во замјата. Денес тие апсат глумци, пејачи, интелектуалци, пратеници, членови на Македонски Патриотски Здруженија само затоа што ја сакаат и се чуствуваат Македонци. Чуствувајќи одговорност за она што се случува, лидерот на ВМРО ДПМНЕ, Никола Груевски поднесе неотповиклива оставка. Иако органите на партијата не сакаа да ја прифатат, соочени со фактот дека одлуката на лидерот е конечна, Централниот комитет на ВМРО-ДПМНЕ одлучи шеснаесеттиот вонреден конгрес на партијата да се одржи на 22 и 23 декември во Валандово, на кој ќе се избере нов лидер на партијата. Согласно Статутот на партијата на него ќе учествуваат 544 делегати од редовниот 15-ти Конгрес на ВМРО-ДПМНЕ што се одржа во Куманово. Повлекувањето на Груевски од лидерската позиција, преставува голема загуба не само за ВМРО ДПМНЕ, туку и за Македонија. Од доаѓањето на лидерската позиција на ВМРО ДПМНЕ во 2004 година, Никола Груевски и неговиот тим, редеа само успеси. Од 2006 година, ВМРО ДПМНЕ цела деценија редовно ја добиваше довербата на народот на парламентарните и локалните избори, се до 2016 година, кога под влијание на надворешни центри на моќ се спроведоа нерегуларни избори, со кои со сила на власт беше доведена опозицијата предводена од лидерот на СДС Зоран Заев. Чуството на лична одговорност за изборните порази кај Никола Груевски е логично и морален чин да си даде оставка. Но, таа се дава во време кога тој му е потребен на македонскиот народ, бидејќи, новата власт на Зоран Заев го стави на лицитација не само името и идентитетот, туку и целата држава. На тој пат на Заев мора некој да му застане на патот. Дојден е часот кога треба да се спасува Македонија од Македонци. ВМРО ДПМНЕ е доволно силна и организирана партија и може на демократски начин да одбере од своите редови лидер со морален кодекс на Македонец кој нема да ја витка кичмата. Од сите потенцијални кандидати, по се изгледа дека во овој момент најдобро котира вториот човек во партијата, генералниот секретар на ВМРО ДПМНЕ Христијан Мицковски. Како и зад секој политичар така и зад неговото име можете да најдете текстови кои треба да го дискриминираат и елиминираат од политичката сцена. Сепак, овој доктор по технички науки кој доаѓа од Машинскиот факултет во Скопје и поранешен советник за енергетика на Груевски има интелектуален капацитет и кредибилитет за да го обедини членството и вистински да го наследи својот поранешен претседател на лидерската позиција на ВМРО ДПМНЕ. Новиот лидер на ВМРО ќе се зафати со тешка задача да ги продолжи големите идеали во време кога е тешко да се биде Македонец. Тој треба не само да обединува, туку и да го спречи бесмисленото апсење на синовите на Македонија и да го спречи “леењето на братска крв“ предизвикана од владеењето на врхушката на СДС, зошто Македонците не се компири и пиперки кои лесно се сеат и за едно лето ќе изникнат. Дојде време да ја спасуваме Македонија од Македонци. Борбата е внатре среде македонското население – таму каде што треба секогаш да бидат насочени нашите усилби и мисли. Борците за Македонија мора да се обединат, за да се спречат ударите на Заев, за кого одамна Македонија не постои. Но, за да се направи сето тоа, членството мора да биде единствено и целосно да ја даде својата поддршка на новиот лидер кој треба да ги продолжи светите идеали на нашите претци. Кратка биографија на Генералниот секретар на ВМРО - ДПМНЕ Христијан Мицкоски Роден е на 29.09.1977
Образование: Име на образовната институција: Машински факултет, Скопје, Македонија Дополнителни активности:
Член на конгрес 2003 кога за претседател е избран Никола Груевски и член на конгрес 2015 |
