Среда, 27 Февруари 2019    PDF Печати Е-пошта
МАНУШ ГЕОРГИЕВ ТУРНОВСКИ (МАНУШ ВОЈВОДА)

1

МАНУШ ГЕОРГИЕВ ТУРНОВСКИ (МАНУШ ВОЈВОДА)

На денешен ден пред 111 години, 20 фебруари 1908 (7 фебруари по стар стил), во битка со турскиот аскер кај селото Долна Рибница, Петричко, Пиринска Македонија, загинува војводата Мануш Георгиев, познат меѓу народот како Мануш Турновски.

Роден е на 23 август 1881 година во струмичкото село Турново. Детството го поминува во Ново Село.

Завршува прогимназија во Струмица, а потоа продолжува со школување во педагошкото училиште во Сер, каде веднаш започнува со револуционерна дејност и е раководител на ученичкиот револуционерен кружок.

Во 1903 година е исклучен од училиштето заради организирање на бунт против директорот.

Истата година станува илегален, и се приклучува на четата на Христо Чернопеев.

Во 1904 година станува околиски војвода во Петрич.

Ги обиколувал македонските села, и како даровит оратор држел слово за револуционерната борба. По цели часови Мануш говорел за Македонската револуционерна организација и го будел народот за борба.

Како делегат од Струмичкиот округ во 1905 година е учесник на Рилскиот конгрес на Македонската револуционерна организација.

Наредните три години продолжува со својата револуционерна активност да ја зајакнува мрежата на организацијата во Струмичко и Петричко.

На 20 фебруари 1908, на еден таков собир со раководителите на организацијата во селото Долна Рибница, Петричко, македонските револуционери биле откриени од Турците, при што селото било опколено од многуброен турски аскер.

За да не биде запалено селото, војводата Мануш Георгиев ја извлекол четата надвор од селото, и заедно со четата на малешевскиот војвода Васил Скендеров, кај месноста Трнката, започнуваат борба со турскиот аскер.

Во нерамноправната десетчасовна битка со побројната турска војска, загинуваат двајцата војводи заедно со уште 22 македонски комити.

Битката на македонските херои кај Трнката во македонската историја е позната и под името Петричка епопеја.

За херојството на Мануш војвода останува да сведочи познатата песна која македонскиот народ ја испеал за негo:

Стига сме јале, јале и пиле,
вино, ракија и руди јагниња

Развивај бајрак ти Мануш војвода
Развивај бајрак низ Струмичко Поле

Нашите мајки сè у црно одат,
сè у црно одат и за нас жалат

Развивај бајрак ти Мануш војвода
Развивај бајрак низ Струмичко Поле

Нашите сестри бело цвеќе садат,
бело цвеќе садат ама не се китат

Развивај бајрак ти Мануш војвода
Развивај бајрак низ Струмичко Поле.

ВЕЧНА ТИ СЛАВА ВОЈВОДО!

 

 

Formularbeginn

Formularende

 

На прво место

News image

Замешаноста на Заев во случајот „Рекет“ е се поочигледен

Замешаноста на Заев во случајот „Рекет“ е се поочигледен.

Историја

News image

Кичево, 116 години од битката на „Ѓурѓејца“, 4-ти август 1903 година

Кичево, 116 години од битката на „Ѓурѓејца“, 4-ти август 1903 година

Иселеници

News image

Академикот Ферид Мурад – американски нобеловец (10)

„МАКЕДОНСКИ ИСЕЛЕНИЧКИ МЕРИДИЈАНИ“ – САД

Култура и туризам

News image

Триумфални порти (арки) во Битола

Триумфални порти (арки) во БитолТриумфални порти (арки) во Битола

Фељтон

News image

ОД ПАНОНИЈА ДО ЕГЕЈ (22)

ПЛЕМИЊАТА  ЈОНЦИ И МИНОИ ОД МАЛА АЗИЈА

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.