ОД ЖИВОТОТ И АКТИВНОСТИТЕ НА МАКЕДОНЦИТЕ ВО АВСТРАЛИЈА

Бројните организации и здруженија на црковно, кул­турно-просветно, спорт­­ско и друго поле со своето деј­ствување го одразуваат единството на Македонците во Викторија, без оглед дали потекнуваат од Република Македонија, егеј­­­скиот, пиринскиот дел на Македонија или од Ал­ба­нија и на тој на­­чин непосредно придонесуваат за нивна­та меѓусебна синхрона активност и афирмација како по­­себна и компактна ет­ничка целина.

Преселничките движења на човекот од место во мес­то, потоа од зем­ја во земја, како и од континент на кон­тинент, веројатно е процес што произлегува од човековата природа за посто­ја­­но движење, за за­по­з­навање и откривање нови земји, непознати простори, во потрага по нов живот и како и за за­до­во­лување на неговата вечна љу­бо­пит­ност. Тоа е особено изразено во минатото столетие, во новите миграциони процеси како последица од војните.

Вак­вите пре­сел­нички движења, во исто време, се и ре­зултат на по­тра­гата по животните егзи­стен­цијални и дру­ги по­тре­би, за наоѓање поголема животна сигурност и посреќна ид­ни­на. Покрај овие фактори по­сто­јат и многу други кои прет­ставуваат по­стојана причи­на и повод за миграции и преселништва на луѓето, а тоа се, во прв ред, угнетувањето, војните, болестите, како и бројни политички, економски и дру­ги причини..

Меѓутоа, се чини преселничкиот бран сврзан со теророт и распарчување­то на Ма­кедонија е најголем ко­га во нејзините села и градови газ­­ду­вале српските, бугарски­те, албански и грч­ки­те деспоти и крв­ни­ци, со сите тешки злодела што и‘  ги нанеле на раз­де­ле­­­на Македонија. Тоа што било таму, се пренесло и во  Австралија, та и таму на македонските до­се­­­ле­ни­ци не им се дава мир од ту­ѓи пропаганди, кои не­­пре­с­тајно роварат среде иселеничките етнички заед­­­ни­­ци, особено кај Македонците од Беломорска Македонија.

Непризнати и негирани, без никакви права и без свое национално име, голем број Македон­ци тргнале на долгиот пат, знаејќи дека е неизвесен и тежок и дека ту­­ѓината е пуста јабана. Меѓутоа, гордоста и желбата да се зачува името свое македонско битие е посилно од се‘, ги напуштиле своите родни огништа и се доселиле во демократска Австралија.

Примерот со егејскиот дел од Македонија е еден од најцрните и најтаговен што го познава цивилизираниот свет и е трагична страница за историја на македонскиот народ и Ма­кедонија. Така, за време на Втората светска војна и Граѓанската војна во Грција има­ше масовен егзодус на околу 200.000, од кои 30.000 невини деца, меѓу нив  многу поголем беше бројот на па­трио­ти, ­не­должното население и храбрите борци кои беа про­го­нети од дикта­тор­ските режимочувари на Елада (Грција) и кои се раселени на сите страни на светот. Го­лем дел од нив свој животен пристан најдоа во Австралија.

Само во Ле­рин­ско за десетина години, од 1950 до 1960 го­дина биле    из­дадени околу 10.000 иселенички визи. Меѓутоа, тој број е мно­­гу поголем. Исто така, според официјалните бројки, според по­пи­сот на населението, од Републиката во 1971 година се иселиле 34.420 лица, што е нереално. Спо­ред грчки статистички извори по првото тро­ме­се­чие на 1970 година од егејскиот дел на Македонија се исели­ле 3.918 лица, а од нив само од Леринско 1.840. Но, за жал, вистината е многу  поинаква.

Може да се каже дека, покрај општата заедничка ма­­кедонска на­род­носна свест градена во текот на ве­ко­вите на тлото на  Македонија, а особено во времето на Илинденското востание за ма­ке­дон­ски­от јазик, заедничките обичаи, традиции и други бе­ле­зи, сепак, еден дел од македонското население од Бе­ло­мор­­ска Македонија како ре­зул­тат на систематската пресија и влијанието на грч­ката верска и просветна пропаганда, за жал, има грч­ка        на­ционална свест. Многу иселеници од маке­дон­ското населе­ние доаѓајќи од тој дел во новите средини, особено во Австралија во текот на времето се осло­бодуваа од тоа влијание, посебно оние што поминаа низ бурите на НОБ и Граѓанската војна.

Меѓутоа, еден дел и натаму остана на грч­ката идеја. Друг дел од македонските иселеници од егејскиот дел на Ма­­ке­донија поради сосема практични причини ( лични, семејни, патни и други документи) не се експонира на ма­­кедонската линија. Исклучително голема, силна и многузначајна е улогата и местото на ма­ке­дон­ската држава - Република Македонија како фактор на хомогенизација на националната свест. Фак­тот што таа не се простира на целата те­ри­то­рија на етничка Македонија е го­­лем хендикеп за фор­ми­ра­њето на единствени македонски погледи на светот кај мла­дите генерации, но сепак времето рани лекува, а надежта последна умира.

Факт е дека македонските доселеници во Австралија постиг­нуваат се‘ позабележителни резултати во областа на културата, обра­зо­ванието, спортот и со­цијалниот живот воопшто. Нивните резултати на еко­номски, об­ра­зо­вен и  кул­ту­рен план се‘ повеќе придонесуваат тие да не бидат тре­ти­ра­ни како граѓани од втор ред, туку како инте­гра­лен и ва­­жен дел во но­вата сре­дина во Австралија. Тие стануваат поз­нати и признати од домаш­ни­от фактор и од     дру­гите ет­нич­ки групи. Голем е бројот на деловни луѓе, видни личности во образованието и општественото живеење се од маке­дон­ско по­­текло во Австралија кои се познати и признати лично­с­ти на петтиот континент и пошироко. Вак­ви­от напредок, пред се‘, при­до­не­су­ва за нивната општествена афир­мација и поповолен трет­ман во средините каде што живеат, однесувај­ќи се кон нив како кон посебна етничка заедница рам­но­прав­но со дру­­ги­те етнички групации во многунационалнот оп­штество на англосаксонскиот свет во Австралија и Нов Зеланд.

Декретно на Македонците од егејскиот дел на Македонија не им бе­ше дозволено да се школуваат на својот мај­чин јазик, а многу мал беше бројот на оние што завршија грчки учи­лиш­та. Затоа, по­го­лемиот број Ма­кедонци од Беломорска Македо­ни­ја и други делови на Македонија дошле во новата средина во Австралија со нис­ко или ни­как­во образовно ниво. Ме­ѓутоа, кај нив се разгоре жел­бата не само да обезбедат основна ег­зис­тенција и да се создадат одредени ма­теријални добра за семејство­то, туку тие посветуваат и големо вни­ма­ние на обра­зо­ванието и личниот про­грес на тие  демократски простори, каде што ги уживаат своите на­ционални и социјални слободи. За разлика од тоа, во дедовката земја, тие се обесправени, врз нив се врши асимилација, де­на­ционализација и систематско прогонување.  

Како резултат на тоа, голем број од иселениците, особено го учат англискиот ја­зик со цел подобро да се вклучат во животот на новата средина, а свои­те деца ги испра­ќа­ат да се образуваат во англиски училишта, колеџи и уни­верзитети. Ова е изразено кај последните неколку ге­не­рации, особено кај иселениците од поново време, што услови нови структурни промени и видлив развој на македонските доселенци во демократска Австралија.

Продолжува

Пишува: СЛАВЕ КАТИН

Оваа е-пошта е заштитена од spambots, треба да вклучите JavaScript за да ја видите
www.slavekatin.com