Јанко ТОМОВ

Деновиве сме сведоци на искажани непожелни зборови од страна на поедини претставници од невладини македонски организации од Република Македонија и македонската дијаспора (Америка и Австралија), преку нивни интерни известувања на Фејсбук во врска со нивните активности околу контактите со членови на Федералниот Австралиски Парламент и актуелниот Министер за надворешни работи на Австралија. Поточно, како реакција за доделување на признанија за бранење и признавање на македонскиот национален идентитет и уставното име на Македонија, на Гала вечерата во Сиднеј на 5 јули 2013 година, организирана од Обединетата Македонска Дијаспора (ОМД), каде се наградени двајца членови на Федералниот Парламент на Австралија, Стивен Џонс од Лабуристичката партија и Лук Симпкинс од Либералната партија, а и пријателот на Македонците Боб Кар, министер за надворешни работи во актуелната австралиска влада. Негативните кажувања за наводно мешање во работите на Светскиот Македонски Конгрес (СМК) и на Здужението на македонските православни општини на Австралија од страна на ОМД,  по мое мислење не се коректни, бидејќи во принцип што се однесува за доделување на стимулативните признанија на свечената вечера во Сиднеј, се за поздравување и се со добра намера.

Во претходниот број на „Македонска нација“ пишував и спомнав некои поединости за недоволната активност на македонските организирани субјекти, како и за поголемите македонски организации  од Австралија и од светот, како и за  македонските заедници на државите на Австралија, дека ниту меѓусебе, ниту со поголемите македонски организации од дијаспората и од Македонија немат ниту соработка ниту коресподенција. Според мене и едните и другите, кои приказуваат извесни потребни активности за македонското делото, имаат извесна доза на љубомора едни кон други. Тие мислат дека тие се тие кои први отпочнале да го бранат Македонското национално и политичко битие, не користејќи искуства и факти од нивните претходници, врз база на кое е поставена нивната денешна активност. Тие поранешни македонски активисти, кои сеуште се активни во Македонија и во дијаспората, иако се неколку на број, како автори на национални историски и политички дела, уредници на значајни интернет изданија и тие кои како долгогодишни лидери на првите  национални и политички партии во дијаспората, успеаа да го воспостават  плурализмот, односно повеќепартискиот систем на владеење во Република Македонија, никако не се споменуваат во “поголемите” македонски невладини организации, а ниту правилно се користат нивните дела. Така испаѓа дека младите и новите македонски активисти знаат сеж и тоа што го прават е со нивна заслуга!

Во врска со горното, за тие што знаат сеж, за да ви веруваат идните млади македонски генерации, кои ќе бидат ангажирани за одбрана на македонската националност и уставното име на Македонија и сочувување на правата на македонското иселеништво и Македонците во етничките делови на Македонија, како и за општ просперитет на сите Македонци, институции и македонски влади, треба јавно да им сте благодарни на вашите предходници и да ги користите нивните дела. Дела кои се сродни со принципите на Античката историја на Македонците и на Македонија, потоа принципите на Илинденското востание раководено од плејада на борци и раководители на ВМРО, како и денешното раководство на владата на Република Македонија, раководено од ВМРО-ДПМНЕ, се актуелни за современите национални и политички збивања, во кои се и нашите македонски активности кои се основа и за иднината. Ако не можеме меѓусебе да соработуваме за општото македонско дело, барем да бидеме малку културни, широкогради и толерантни, да не речам дипломати, како одраз на извесно, но потребно почитување, барем пред јавноста и пред нашите членови и младите околу нас, зошто работиме за исто македонско дело, но во различни услови и средини.

Деновиве, пред комеморациите за поделбата на Македонија, помеѓу Грција, Бугарија, Србија и Албанија во Балканските војни 1912 и 1913 година, кога е потпешан и Букурешкиот договор, како една од постарите организации и со подолго  патриотско –демократско искуство, кое е мошне активно е СМК, раководен од Тодор Петров. СМК има обемна програма, што е поврзана со активности на македонски организации од бивши борци и “Деца бегалци”, односно раселени македонски патриоти од Граѓанската војна во Егејска Македонија, а исто така и со извесни програми од поедини македонски организации од етничките делови на Македонија, кои се наоѓаат под окиупација, каде има повеќе теми од  кобната 100 годишнина за Македонците, од поделбата на Македонија и од геноцидот, асимилацијата и денационализацијата на македонскиот народ. Најголемите митинзи и теми СМК ќе ги одржи околу 10 август, а на 10 август со положување цвеќиња на паднатите борци од Балканските војни во Македонија на граничниот дел кај с. Богородица, близу Богданци и Гевгелија ќе ги одбележи овие настани.

Исто така и ОМД, раководена од Мето Колоски од 24-27 јули ќе ја  одржи 4-тата Глобална  конференција, за прв пат  во главниот град на Република Македонија, исто така со теми од 100 годишнината на распарчувањето на Македонија и Букурешкиот договор од 1913 година. Сите теми се на англиски јазик, бидејќи се од странски автори (повеќето се американски и канадски државјани со македонско потекло), а и поедини видни американски политичари, дипломати и пријатели на Македонците и Македонија. Исто така ќе има и гости од повеќе институции од Македонија. За прв пат ОМД ќе ја одржи оваа Глобална конференција во просториите на хотелот Александар Палас во Скопје, каде се очекува поголем интерес, особено од американските и евроипски држави, кои ќе бидат известени пообемно и со повеќе факти за геноцидот и тортурите кон македонскиот народ во времето на поделбата на Македонија, а најмногу од страна на Република Грција, која во Европа и во Америка е поргешен миленик, бидејќи фалсификувано е наречена “Лулка на демократијата”!?

И за крај да ги пофалам организаторите на Мировниот Комеморативен Марш 100 години од Букурешкиот договор, кој ќе се одржи во Мелбурн на 10 август 2013 година. Овој Мировен Комеморативен Марш е организиран од Македонската зедница-Мелбурн, а под раководство на познатиот патриот Јане Мавчев, инаку еден од раководителите на огранокот на ВМРО-ДПМНЕ за Мелбурн и  Викторија, Австралија. Во Мелбурн е најголемата Македонска заедница и се очекува масовно учество на македонското иселеништво, што ќе го обели образот на Македонецот пред Австралиските власти, бидејќи другите македонски заедници, здруженија на македонски православни општини и македонски организации, како Австралиско Македонски Комитет за Човекови Права (АМКЧП) немаат планирани активности по повод оваа 100 годишнина од Букурешкиот договор. Според тоа, пожелно е истите претставници и нивни членови да се приклужат на некој начин на Мировниот Комеморативен Марш во Мелбурн на 10 Август 2013 година.