|
||||
| Манастирот „Св. Мала Богородица“ во Сливница – Преспа (19) |
|
СРЕДНОВЕКОВНА ЦРКОВНА ПОЕЗИЈА – АКАТИС НА ПРЕСВЕТА БОГОРОДИЦА – II дел Кондак VIII Откако го видовме чудното раѓање, да се оддалечиме од овој свет, да го издигнеме нашиот ум кон небото, зашто вишниот Бог се јави на земјата како смирен човек, за да ги привлече кон себе оние што му пеат: Алелуја! Икос 8 Неискажливото Слово потполно беше на земјата, без и најмалку да отстапи од небото; зашто раѓањето на Дева Богородица не беше промена на место, ами Божја милост, затоа да и запееме на Богородица: Радуј се, приемнице на неопфатниот Бог; Ти си врата на пречистата тајна! Радуј се, за Тебе неверните слушаат со сомневање; радуј се, тврда пофалбо на верните! Радуј се, пресвета колесницо на Оној што седи на херувимите; радуј се, преславно живеалиште на Оној што седи на серафимите! Радуј се, Ти си ги собрала заедно спротивностите; радуј се, Ти си ги соединила девството и раѓањето! Радуј се, преку Тебе се прости престапот; радуј се, преку Тебе се создаде рајот! Радуј се, Ти си клуч на Христовото царство; радуј се, Ти си надеж на вечните блага! Радуј се, Невесто неневесна!
Кондак IX Сите ангели се зачудија од големото дело на Твоето овоплотување, зашто во недостапниот Бог гледаа човек достапен, Кој живее со нас и од сите слуша: Алелуја!
Икос 9 Красноречивите беседници ги гледаме како безгласни риби штом станува збор за Тебе, Богородице; тие не можат да објаснат како си Дева кога си родила. Ние сме восхитени пред тајната и со вера извикуваме: Радуј се, живеалиште на божјата премудрост; радуј се, ризницо на Неговата промисла! Радуј се, Ти ги покажуваш мудреците како немудри; радуј се, Ти ги изобличуваш за неразумност итрите мајстори на словото! Радуј се, зашто избезумија ужасните испитувачи; радуј се, зашто овенаа баснотворците! Радуј се, Ти ги растури итрите сплетки на атињаните; радуј се, Ти ги исполнуваш мрежите на рибарите! Радуј се, Ти извлекуваш од длабочината на незнаењето; радуј се, Ти просветуваш мно-зина со знаење! Радуј се, Ти си кораб за оние што сакаат да се спасат; радуј се, Ти си пристаниште за оние што пловат во животот! Радуј се, Невесто неневесна! Кондак X Создателот на се, сакајќи да го спаси светот, доброволно дојде во него и, бидејќи Бог, се јави заради нас како човек. Затоа, откако го повика подобното преку подобно, како Бог слуша: Алелуја! 4 Статија Икос 10 Богородице Дево, Ти си закрила за девиците и за сите што доаѓаат кај Тебе; Творецот и на небото и на земјата Те направи така, Пречиста, кога се всели во Твојата утроба. Тој ги научи сите да Ти пеат: Радуј се, столбе на девството; радуј се, Ти си врата на спасението! Радуј се, началнице на духовниот растеж; радуј се, подателко на божествената благост! Радуј се, Ти си ги обновила зачнатите во грев; радуј се, Ти си ги вразумила духовно расеаните! Радуј се, Ти го гониш разложителот на умовите; радуј се, Ти си го родила сејачот на чистотата! Радуј се, Ти си дом на бессемено невестинство; радуј се, Ти ги соединуваш верните со Господа! Радуј се, Ти си добра хранителка на девојките; радуј се, невесто-украсителко на светите души! Радуј се, Невесто неневесна! Кондак XI Бессилна е секоја песна што сака да ги опфати сите Твои добрини, зашто Небесни царе си свет; и да Ти принесеме песни рамни по рој на морскиот песок, не правиме ништо достојно за се што си ни дал, затоа извикуваме: Алелуја!
Икос 11 Света Дева ја гледаме како запалена свеќа, која им се јави на оние кои беа во темнина. Откако го запали духовниот оган, Таа ги води сите кон божествено познание и го просветува умот со небесни зраци. Затоа и пееме: Радуј се, Ти си лач на духовното сонце; радуј се, светило на светлината што не зајдува! Радуј се, светкавице што ги просветуваш душите; радуј се, Ти си гром што ги плаши непријателите! Радуј се, од Тебе изгрева многусветлата просвета; радуј се, од Тебе извира многуводната река! Радуј се, Ти живо ја претставуваш бањата; радуј се, Ти ја отстрануваш духовната сквернота! Радуј се, Ти ја миеш совеста; радуј се, чашо со која се црпе радост! Радуј се, Ти си миризба на Христовото благоухание; радуј се, Ти со живот на таинственото веселие! Радуј се, Невесто неневесна!
Кондак XII Оној што ги простува долговите на сите луѓе, сакајќи да даде милост за старите долгови, Самиот дојде кај оние што се беа оддалечиле од Неговата благодат, го скина списокот на гревовите и од сите слуша: Алелуја! Икос 12 Богородице, го воспеваме Твоето раѓање, Те прославуваме како духовен храм, зашто Господ, Кој се држи во свои раце, се виде во Твојата утроба, и ги освети, прослави и научи сите да пеат: Радуј се, Ти си скинија на Бога-Слово; радуј се, Ти си поголема од Светињата на светињите! Радуј се, Ти си ковчег позлатен од Духот; радуј се, Ти си неисцрпна ризница на животот! Радуј се, Ти си скапоцен венец на благочестивите; радуј се, Ти си пречиста похвала на благовејните свештеници! Радуј се, Ти си цврст столб на Црквата; радуј се, Ти си неразрушлив бедем на државата! Радуј се, преку Тебе се издигаат знамињата на победи; радуј се, преку Тебе паѓаат непријателите! Радуј се, Ти си исцеление на моето срце; радуј се, Ти си спасение на мојата душа! Радуј се, Невесто неневесна! Кондак VIII О, многувоспевана Мајко, Ти си Го родила најсветото Слово меѓу сите свети! Прими ги овие наши молби, избави не од секаква напаст и ослободи не од идните маки нас кои Ти пееме - Алелуја! Продолжува Пишуваат: Д-Р ВЕРА СТОЈЧЕВКА-АНТИЌ и |
