Александар Донски
ИСТОРИСКИOT ПРИРАЧНИК ПРОТИВ ГОЛЕМОГРЧКАТА ПРОПАГАНДА НАМЕНЕТ ЗА МАКЕДОНЦИТЕ ВО ЕГEЈСКИОТ ДЕЛ НА МАКЕДОНИЈА ОД АВТОРОТ АЛЕКСАНДАР ДОНСКИ ОБЈАВЕН И НА ГРЧКИ ЈАЗИК!
Пред извесно време МН објави информација за објавување на ИСТОРИСКИ ПРИРАЧНИК ПРОТИВ ГОЛЕМОГРЧКАТА ПРОПАГАНДА НАМЕНЕТ ЗА МАКЕДОНЦИТЕ ВО ЕГEЈСКИОТ ДЕЛ НА МАКЕДОНИЈА од авторот Александар Донски. Книгата во електронски pdf формат е објавена во издание на Македонското литературно друштво „Григор Прличев“ од Сиднеј со претседателот Душан Ристевски, во соработка со Здружението на Македонците од егејскиот дел на Македонија „Мирка Гинова“ од Штип со претседателот Стојан Димков.
Во оваа книга на едноставен, аргументиран и убедлив начин е даден бескомпромисен одговор на фундаменталните големогрчки артикулации од областа на историјата и истата веќе е објавена на македонски и на англиски јазик.
Неодамна книгата е објавена и на грчки јазик. Тоа всушност е најважната верзија на оваа книга имајќи го предвид фактот дека најголемиот дел Македонци од егејскиот дел на Македонија, поради разбирливи причини, умеат да читаат само на грчки. Авторот Донски искажува јавна благодарност до нашиот сонародник од егејскиот дел г-дин Petros Argyriou кој ја преведе книгата на грчки. Истовремено Донски повикува на масовно споделување на линкот со оваа книга среде Македонците во егејскиот дел:
Инаку, книгата е објавена со помош на Трајче Т. ТРАЈКОСКИ од Перт, кој е познат македонски национален деец и водител на најслушаното македонско радио во Западна Австралија „Мак ФМ Радио“ од Перт, Гордана ДИМОВСКА од Мелбурн, која е позната македонска поетеса, новинар и наставник по македонски јазик во Австралија и MACEDON PUBLISHERS AND TRANSLATORS – SYDNEY.
Сите верзии од книгата се поставени за слободно симнување на веб-страна на Pollitecon Publications – најголемата платформа со книги со историска содржина посветени на Македонија во сопственост на Виктор Бивел од Сиднеј.
Македонската верзија можете да ја симнете од:
Англиската верзија можете да ја симнете од:
