Еве што може да се најде во бугарското списание „Читалиште“ печатено во Цариград од 1870 до 1875 година.

Во списанието издадено на 1 октомври 1871 година, е напишан еден обемен текст за словенството на Балканот, па на страница 6 се наоѓа следново размислување:

„Да преминеме сега кон Македонците и Илирите, кои Хелените ги нарекувале варвари, затоа што не биле Хелени. Старите Македонци (нели се исто со Илирите?) ако ги прифатиме за Славјани, станува извесно дека се појавуваат од 4 век пред раѓањето Христово, со политичка самостојност, под владение на цареви од Филипово потекло (колено), или Македонската Империја на Александар Велики.

Нам ни се чини, дека по тоа прашање, дали старите Македонци се Грци или Славјани, го решил јасно Поливиј, кој живеел во 2-ри век до раѓањето Христово, и следователно заслужува да му веруваме, кога кажува дека многу порано од него, на тие места живееле Славјани самостојно (организирано). Во составот на Македонската Империја влегувале сите тогаш познати земји од Јужна Европа, половина Азија и северојужна Африка. Александар Велики бил господар на цело Средоземно Море(1).

По смртта на Александар, македонските благородници владееле со мали царства во Европа, Азија и Африка.

После смртта на Александар зафаќа Грчко-Македонската епоха, додека покасно се јавува Славјано-Византискиот период со славјански цареви (од потекло Јустинијаново, Василиј Македонски, Комнен и др.)

Славјанските, на Славјано-Византискиот престол цареви, се важни за нас, само во поглед на правото и верата. Во Славјано-Византискиот период, славјанските општини во таа империја, се управувале и живееле со внатрешно совршенство и самостојност, дури и тогаш, кога биле римски провинции, не биле попречувани да си ги управуваат самостојно внатрешните работи.

До Јустинијановото време и по него, славјанските племиња ја населувале Тракија, Илирија, бреговите на Јадранско, Егејско и Црно Море и Македонија (од каде е Јустинијан, Василиј Македонецот и други)“

(1) Под „целото Средоземно Море“ авторот сака да каже дека Македонската Империја го зафаќа целиот тогашен брег на Средноземното Море, кој е дел од цивилизираниот и општопознат свет.