| 
Свекрва
Заев ја погази гаранцијата која му ја даде на претседателот!?
Претседателот Ѓорге Иванов во мај минатата година му го врачи мандатот за состав на Влада на лидерот на СДС Зоран Заев, откато тој ја прочита изјавата во форма на гаранција во која меѓу другото се вели дека „ќе ја гарантира „заштита на унитарноста, независноста, заштита на уставниот поредок и територијалната целина и заштита на државните интереси“. Исто така во изјавата Заев тврдише дека „процесот на носење на одлуките ќе биде во согласност со основните демократски принципи и владеење на правото“.
Од тогаш до денес Владата предводена Зоран Заев, заедно со коалициониот партнер во неколку наврати ја погази изјавата дадена пред претседателот на државата. Во Собранието беше донесен Законот за употребата на јазиците, со кој албанскиот јазик е изедначен со македонскиот, со што е загрозена унитарноста на земјата. И покрај тоа што овој Закон не беше во првиот обид потпишан од претседателот, кој укажа на неговите недостатоци, тој надвор од сите процедури, без да се разгледаат амандманите предложени од опозицијата, без Бадинтер и насила по вторпат беше изгласан со учество на пратениците од СДС и нивните коалициони партнери.
Начинот на кој по втор пат беше изгласан овој закон претставува институционално насилие и удар врз демократијата. Последиците и штетите од овој преседан по правото и правната држава можат да бидат огромни. При донесувањето на Законот меѓудругото беше извршена злоупотреба со европското знаме на овој закон, потоа сите правни процедури, постапки и рокови во начинот на неговото носење.
За време на собраниската седница, единствено кој се спротивстави беше поранешниот премиер и лидер на ВМРО ДПМНЕ Никола Груевски, при што беше избегнат и поголем инцидент. Никола Груевски во минатото ги бранеше и продолжува да ги брани интересите на државата и не ја витка кичмата како Заев кој ја продава држава заради лични интереси.
Денес револтот на народот е оправдан. Сега тие протестираат пред домовите на пратениците на СДС кои не го испочитуваа правото и гласаа за Законот, а нив ги чува полиција и војска која исто така е платена од народот и која се има заколнато да го чува Уставот и законите во земјата!? Чудни работи се случуваат во земјата, а недумицата е голема кај безбедносните сили!
Во овој момент единствен кој има обврска и го штити Уставот е претседателот Ѓорѓе Иванов.
Претседателот на државата нема правна основа да му го одземе мандатот на Зоран Заев кој ја погази изјавата или да го распушти Собранието чиј исто така со сила избран претседател Талат Џафери на мускули го донесе Законот за јазиците и ја загрози унитарноста на државата. Но никој не му го ускратува правото на претседателот овој Закон да го стави во фиока и да заборави на него. Големи се шансите законот за јазиците да остане во кабинетот на Претседателот Иванов и никогаш да не се појави во Службен весник. Впрочем, тој најави дека и покрај обврската нема да го потпише указот за прогласување на законот бидејќи бил донесен во постапка спротивно на Уставот.
Меѓутоа, иако овој Закон, според изјавата на претседателот Иванов, нема да биде потпишан, преставниците на албанските партии најавуваат дека тој ќе се применува, што уште повеќе ги затегнува меѓуетнучките односи. Сето ова се случува во пресрет кога се водат разговори со Грците околу името. Тие веќе подготвија понижувачки предлог за името, што тешко кој нормален македонски политичар би можел да го прифати.
Но тоа не значи и за Владата на Зоран Заев, која по со сила донесениот неуставен закон за јазиците изгледа е спремен за секаков дил како што ќе му наредат неговите спонзори, само за да остане на власт и наводно за да земјата стане членка на НАТО.
Меѓутоа, познавјќи колку вреди неговиот збор, политиката која ја води Грција, како и судирот на големите сили кои се одигрува на Балканот, Македонија дури и да го смени името, може да помине како и во Букурешт 2008 година!
Имено, Русија е се поприсутна на Балканот и јасно му стави на знаење на Западот дека според џентламенскиот договор со САД од деведесетите години овој дел му припаѓа на руската интересна сфера.
Турција и Грција се повеќе се свртуваат кон Москва, а согласно оваа политика, Грција и покрај сите притисоци од Брисел ќе направи се за да се спречи било каков договор со Македонија, за да таа стане членка на НАТО.
Во едни вакви услови, кога во светот се повеќе земји го повлекуваат своето злато и кога се повеќе се зборува за можен нов светски воен конфликт, Македонија која е на „линија на огнот“ не смее да дозволи таа да биде земјата која ќе ја запали искрата.
Затоа ние Македонците мора да кренеме глава гордо високо, да бидеме храбри, паметни и разумни, но во исто време патриотски расположени и да ги дочекаме спремни нашите пет миниту, да си ја сакаме Македонија, бидејќи друга татковина немаме!
Наместо владата на Зоран Заев да ги затегнува односите на политичката сцена дома, сега треба да води мудра политика, а таква политика секако нема да придонесе со Законот за јазиците и промена на името. |
Тони Јаревски
