НИЕ ДОКАЖУВАВМЕ ДЕКА Е МОЖНА  НЕЗАВИСНА СУВЕРЕНА МАКЕДОНСКА ДРЖАВА

(11 јули 1994)

“Миле, здраво!...

...Јас во татковината не сум стапнал од 1967 г. пред да почнам да навлегувам во дејност која беше непожелна за главата од каде почнува да смрди рибата... И сега кога... можност имам да ја посетам родната земја. Судејќи по тоа што читам од нашите новински извори... Не се решавам на ваков чекор затоа што главата од каде што започнува да смрди рибата е истата таа на која ние и докажувавме дека е можна слободна и независна суверена Македонска држава и дури на дел од Македонија, тогаш тие не сметаа за ненормални, болни луѓе... Ако не на Голи Оток, најмеко речено ќе не кладеа во лудница, а денес тие истите што не веруваа дека е можна самостојна, независна, суверена Македонска држава изнаседнале и ја управуваат таа држава што ние ја баравме и се боревме со години. Тие Миле имале пуштено широки корени врз дејноста на УДБА насекаде во Македонското иселеништво и тие корени уште се живи и мрдаат со цел да не дозволат прогресивни сили да дојдат на чело и (да) шират единство, слога и братство, затоа што некогаш тие ќе бараат виновници кои беа и пречеа на сеж што е Македонско и не дозволувале прогрес, еве затоа не можеме да постигнеме единство затоа што единството ќе им рече ним сега “браќа” вие долу и дајте можност на други, а ова никој лесно не го дозволува...

Со братска искреност и почит