М-р Мартин ТРЕНЕВСКИ

Неодамна  се случи Конгресот на ВМРО-ДПМНЕ и беа избрани нови органи на Партијата со што се заокружи речиси целосното екипирање, после речиси триумфалните победи на парламентарните и локални избори.

Беше избран нов генерален секретар што мислам дека е одличен избор,  Извршниот комитет е екипиран со  многу добар состав на стари, но освежен и со нови членови. Но најмногу внимание привлече одлуката Партијата да нема повеќе потпретседатели!

Во образложението од Претседателот Мицкоски беше презентирано дека со таа одлука (да нема повеќе потпретседатели) беше кажано дека на Претседателот му преостануваат само уште две години од вториот мандат и дека идејата е потпретседателите - доколку сакаат да се кандидираат за позицијата прв човек на Партијата, да стартуваат од еднакви позиции! 

Став многу коректен, во секој случај.

Но кога зборуваме за нов претседател (а за позицијата се топорат повеќемина), како долгогодишен член сакам да укажам на некои работи што сметам дека се многу важни.

Статутот на ВМРО-ДПМНЕ е донесен во време и околности соодветни на нив, а тоа не значи дека не може да биде дополнет, па дури и изменет.

ПАРТИСКИОТ СТАТУТ НЕ Е БИБЛИЈА за да не може да биде изменет. Што сакам да кажам?

Живееме во драматични времиња, дома, во нашето опкружување и на меѓународен план, а тоа значи дека Партијата и татковината изискуваат човек-лидер кој ќе умее да се носи со тие предизвици! Човек кој со својата одлучност ќе знае и умеее да се носи со тие предизвици како што тоа многу успешно го правеше до сега Проф д-р Христијан Мицкоски.

Предлагам: На следниот когрес, кога и да е, да се смени тој член од Статутот на Партијата и да се овозможи повторен избор и нов мандат (по завршувањето на актуелниот) на г. Мицкоски.

Татковината наследи тешко бреме на предавства и корупција од предходната влада на предавници, а Г-н. Мицкоски покажа и докажа дека е одлучен и подготвен да се справи и тоа многу успешно со тие проблеми.

Токму таков човек и треба и понатаму на ВМРО-ДПМНЕ и на Македонија!

Затоа инсистирам на промена на Статутот за да можеме да ја реализираме и формално можноста тој да ги реализира своите заложби за доброто на Партијата и Татковината.