Во организација на Советот на Македонската заедниза од Мелбурн и Викторија во Нерет Ресепшн во Епинг се одржа манифестацијата „Обединување на Македонските организаци - Мелбурн 2013“ на кој присуствуваа еминентни личности од Македонската заедница пред се од политичкиот, културниот, религиозниот, спортскиот живот во Мелбурн и пошироко.

Роберт Трајчески - Претседател на Советот на Македонската Заедница, Алан Шерифоски - Координатор на оваа манифестација, Џајсон Смит - Комунална Банка на Австралија, Костадин Тасевски - Преставник од Македонската Амбасада од Канбера, Робин Скот - Министер во сенка, Џајсон Камбовски - Човекови Права, Менка Китановски  - Македонска добротворна организација,  Блага Петреска - Женска Хуманитарна организација Надеж, Стеван Козмевски и Мери Лалиос - советници во  Општина Витлси, Ордан Андреевски - Обединета Македонска Дијаспора и други.
Посебен впечаток остави говорот на Блага Петреска од организацијата Надеж кој со емотивен говор и преку видео презентација ги запозна присутните за работата и достигнувањето на женската хуманитаран организација кои му помогнале на многу хендикепирани личности во Македонија во минатиот периот што заработи голем аплауз од присутните.

Меѓу гостите на оваа вечер беа преставници од Македонската Православна Епархија за Австралија и Нов Зеланд, Федерацијата на Културно Уметничките друштва од Мелбурн, преставниците на задграничниот комитет на ВМРО - ДПМНЕ од Мелбурн и високи функционери од Лабористичката Партија на Австралија.
Ова е показател дека македонските организации се сплотени и обединети и дејствуваат заеднички кога е во прашање Македонската нација во Австралија.

Текст и фотографии Никола Ставрески