Во рамките на своите редовни промотивни активности и поддршка на роднокрајните автори, а во присуство на бројни љубители на поетската реч, роднини и пријатели, како и директорот на Агенцијата за иселеништво, Горан Ангелов,  на 18 август – четврток, во Прличевата одаја на НУ Библиотека „Григор Прличев“ во Охрид беше промовирана новата стихозбирка „Шарени дијаманти“ од Наум Трајчески,од Квинбијан, Австралија, чиј  издавач е Агенцијата за иселеништво на Република Македонија.

Промотори на делото беа м-р: Милчо Јованоски, Мирко Томовскии и Билјана Костова, а свое обраќање имаше  и авторот Наум Трајчески. На настанот присуствуваше и директор на Агенцијата  за иселеништво Горан Ангелов.

 Поетот Наум Трајчески е роден во село Издеглавје, Дебрца, во 1952 година, а од 1977 година живее и работи во Квинбијан – во демократска и мултикултурна Австралија. Зад себе има шест стихозбирки. Во 2017 година  стихозбирката „Одминато време“ му ја донесе наградата„Стојан Христов“ за најдобра книга од поет иселеник со македонско потекло што ја доделува Агенцијата за иселеништво, а во рамките на Струшките вечери на поезијата.

Годинава поетот  Наум Трајчески беше гостин на Седмиот балкански поетски камп за млади „Ванчо Николески“, што се одржа во Охрид, а на кои  присуствуваа Македонци кои живеат во Австралија, а кои го слават името и делото на Ванчо Николески. Иато така,  секоја година Наум Трајчески им се обраќа со видео порака, или, писмена декларација на учесниците на Балкански поетски камп за млади „Ванчо Николески“.

Дел од промоцијата

Инаку, поетот Наум Трајчески е претседател на Македонското Литературното друштво “Ванчо Николески” од Квинбијан. Тоа е .најмладото македонско литературно друштво во Австралија кое го носи името на истакнатиот романсиер, раскажувач, детски писател и поет, Ванчо Николески, кое за само 8 години од своето постоење има издадено четири збирки поезија и проза, благодарение на посветеноста на неговите членови, вистински вљубеници на пишаниот збор.

Стихозбирка „Шарени дијаманти“ од Наум Трајчески излезе од печат во издание на Агенцијата за иселеништво, а промотори беа м-р Милчо Јованоски, Мирко Томовски и Билјана Костова. кои најновата поетска збирка на Трајчески ја оценија како спој на зрелоста во годините , но и умеењето со стиховите на авторот.

Како резултат на добрата соработка на поетот Наум Трајчески и Агенцијата за иселеништво, Билјана Костова, како претставник на Агенцијата, на авторот, во име на долгодишната соработка, му врачи специјална Благодарница.

По тој повод, пред присутните се обрати директор на Агенцијата, Горан Ангелов, кој со одбрани зборови го претстави поетот Наум Трајчески кој има богати и трајни врски со Агенцијата за  иселеништво, а преку неа со Република Македонија.

Обраќајќи им се на присутните, на крајот од настанот, авторот Наум Трајчески, за сите и себе си, посака добро здравје, воедно, и се заблагодари на својата животна сопатничка Даница, за нејзината целокупна поддршка во животот и поетското создавање во Австралик, каде осма година, го води Литературното друштво “Ванчо Николески”, со што, името и славата на родоначалникот на литературата за деца и млади кај нас, Николески, од неговото родно село, Црвена Вода и Дебрца, преку морињата и океаните, ја пресели се до Петтиот континент.

Пишува: СЛАВЕ КАТИН