Господине …..Како прво Ви се извинувам за ненамерното празно обраќање кон Вас со мала збунетост кон вашиот профил бидеќи Вас Ве знаев како Аврамоски, но сега гледам дека некои Ве преставуваат како Александров.

Ако Вие не се гордеете на вашите претци кои ви го оставиле презимето во наследство а вие доброволно го менувате, тоа е Ваша желба и воопшто не ви се мешам во Вашата одлука, па затоа ќе Ви се обраќам едноставно со Игор.

Игор, мината недела го посетивте Мелбурн.

Со која цел?

Вие знаете и тоа е Ваше право.

Внимание за Вашата посета во Мелбурн ми остави Вашето присуство на радиобрановите на 3ззз и Вашето видување и интервју за таканаречениот црковен проблем.

Имав можност да ви поставам неколку прашања, но техничките проблеми надвладееја и не бев во можност да бидам јасен а во следната емисија и прилика и прекинуван па затоа Ви се обраќам и преку овај ценет македонски медиум.

Игор, во Вашите изјави и одговори не бевте многу јасен за проблемите кои владејат меѓу Македонците во Австралија.

На мое прашање преку радиобрановите која е Вашата цел за формирање на паралелна таканаречена Македонска Православна Црква Вие не дадовте конкретен одговор

На мое прашање , кој Ви го плати луксузниот престој во Мелбурн, Вие не одговоривте.

На мое прашање, колкава Ви е месечната плата која ви е дава некоја таканаречена македонска општина, Вие не одговоривте.

Игор воопшто нека не ве буни зборот `таканаречена` Македонска Православна Оштина,затоа што јас побарав информации во мојата татковина Македонија и добив одговор дека таква организација, здружение или институција не постои во Македонскиот регистер а додека добив одговор, дека за Австралија постои МАКЕДОНСКА ИНСТИТУЦИЈА а таа е Македонска Православна Црква- Охридска Архиепископија, а правен застапник за Австалија е Епархијата за Австралија и Нов Зеланд со Неговото Високо Преостенштенство Господинот Петар.

Игор треба да дадете одговор и на прашањата:

-Дали го избркавте Македонскиот свештеник Васко, кој служеше во црквата во Голд Кост и на негово место донесовте свештеник од Антихиоската црква, а на Неговото Високопреосвештенство господинот Петар му ја затворивте вратата?

-Дали во вашата таканаречена општина владее демократија и дали Вие владеете повеќе од една деценија, а членството го држите редуцирано каде што секој не може да стане член без Ваша дозвола?

-Дали е точно дека имате дадено оглас и дека барате генерален раководител за Македонската православна општина за Сиднеј веке повеќе месеци а можеби и години а вие ја извршувате таа функција.

-Дали во Вашата таканаречена Македонска Православна Црква наместо владика имате раководител?

-Дали е вистина дека повеќе пати сте се обратиле за помош од други цркви?

-Дали е вистина дека сте воделе повеќе судски процеси со личности кои не се Ваши истомисленици?

-Дали е вистина дека сте воделе повеќе судски процеси против личности кои што воделе радио програми на Македонски јазик и истите емисии биле затворени?

-Дали е вистина дека ја заштитувате МПЦ-ОА а во вашиот правилник не ја признавате МПЦ-ОА?

-Дали е вистина дека немате прифатено ни еден устав што е предложен од МПЦ-ОА?

-Дали е вистина дека пред комисијата на парламентот на Нов Јужен Велс имавте излагање каде што кажувате дека МПЦ-ОА е странска институција?

-Дали е вистина дека во истото излагање кажувате дека Р. Македонија во секој момент може да пропадне?

-Дали е вистина дека во истиот процес сте заедно рамо до рамо со организацијата Australian Hellenic Council NSW која е основана од грчката заедница?

-Дали сето ова е како комунистичката Бугарска `демократија` ЕМ ТЕ ТЕПА, ЕМ НЕ ТИ ДАВА ДА ПЛАЧЕШ?

-Дали ја гледате црквата како здружение или како верска установа?

-Игор, Вие треба да дадете одговор и на прашањето дали сте поголем Македонец и од Гоце Делчев?

Игор, Вие се служите со селски дијалект каде другите македонци се обични смртници за Вас.

Игор, како МАКЕДОНСКИ ПРАВОСЛАВЕН ВЕРНИК, имам право да застанам во одбрана на Македонската Православна Црква а Вие, тоа дали ќе го прифатите или не, тоа е Ваш проблем.

Игор, до Вас и Вашата таканаречена Македонска општина имам голем број на прашања!

Игор, јас не сум жртвено јагне, јас сум преставник на Македонската Православна Црква како верник и Вие немате никакво право да ме нарекувате жртвено јагне.

ИГОР, КАКО МАКЕДОНСКИ ВЕРНИК И ПРЕСТАВНИК НА МАКЕДОНСКИТЕ ПРАВОСЛАВНИ ВЕРНИЦИ ВЕ ПОВИКУВАМ НА ЈАВЕН РАДИО ДУЕЛ.

Мојата препорака е дека овој таканаречен црковен проблем е наметнат од некои структури и за ова ќе треба поголема дебата за да се одгатнат повеќе нејаснотии.

Игор, Ве повикувам на радиодуел на најслуслушаното Македонско радио во Мелбурн, во радио Илинден каде ќе имаме неопределено време за дебатирање, а тој временски период, другите Македонски радио станици не се во можност да го овозможат.

Се надевам дека ќе бидете маж и ќе го прифатите овај радио дуел во време кое Вас ви одговара, но се разбира во разумен рок.

Се надевам дека позитивно ќе одговорите и ќе ги охрабрите Македонците кои живеат и се лојални граѓани и на оваа сакана и поштувана држава.

Јане Мавчев