Среда, 31 Јули 2013   
Колку светот го знае (не го знае) македонското минато и последиците од тоа

janko-tomov
Јанко ТОМОВ

Александар Русјаков во „Нова Македонија“ од 15 јули 2013 година, во статијата  „Апсурдизам“, меѓу другото вели: „Кога македонските државници и дипломати седнуваат на преговарачка маса да им кажат дека не можат да разговараат за име и јазикот на народот, затоа што тоа им го забранува македонскиот устав“. Понатаму за евроинтеграциите Русјаков вели: „Треба да се размислува и преговара, кога со уставен амандман ќе се забетонираат македонските идентитетски прашања“.

Кога зборуваме за името и уставот на Република Македонија, не е само името и македонската националност во прашање, туку и други важни работи за Македонците и Македонија. Во нив се прашањата за досегашната фалсификувана македонска историја од страна на јужниот сосед (Елада), која се наоѓа во светските енциклопедии, како еклузивно нивна македонска, како што е Британската енциклопедија (Encyklopedija Britannica), Колинската Фактопедија-Атлас (The Collins Faktopedia World reference Atlas), разни историски учебници, историски приказни со сликовници и слични на нив списанија, како и во играни и документарни  филмови. Понатаму, душевните и материјални оштетувања од страна на окупаторските држави на Македонија од времето на поделбата на Македонија со Букурешкиот договор, Балканските  војни, Првата Светска Војна, Втората Светска Војна и на крај Граѓанската војна на Грција од 1946-49 година. За овие големи испитувања потребни се тимови на македонски врвни интелектуалци, кои го познаваат и кореспондираат со Меѓународното право и владеат со поедини светски јазици.

Горното не се однесува само на Македонците кои живеат во Република Македонија и етничките делови на Македонија, туку и за македонското иселеништво во дијаспората и за Македонците во околните пријателски земји на Македонија, Западниот Балкан и Источноевропските држави.

Во САД, Канада, Австралија и Европа, на обично прашање: Од каде сте? Одговорот од нас Македонците обично е: Од Македонија. Бидејќи не помалку од 90% од нашите сограѓани во дијаспората учеле во своите образовни институции-училишта, гимназии, универзитети и дека Македонците се Грци или Грчки Македонци е апсурд, како и тоа дека Македонија била Грчка. Малку замислено, гледајќи го белиот лик на просечен Македонец-европеец, ќе прашаат: Од Грција или од Грчка Македонија!? Тие кои малку знаат за нашата историја ќе бараат повеќе информации за положбата на Македонија, додека тие кои немаат никакви познавања за историјата, ќе останат со мисла дека ние Македонците сме биле Грчки Македонци или Грци, и дека Македонија била Грчка!? Тоа е навреднливо и боли многу, особено за тие Македонци млади или од постарата генерација, кои не можат да им објаснат на своите сограѓани од мултикултурните заедници за положбата на нас Македонците и на Република Македонија. Не можат или не знаат како да објаснат, бидејќи или се потпаднати под туѓи влијанија или под антимакедонски поедини групи и политички партии од републиката, кои веруваат во заткарпатно-словенски карактер или се со недоволно историско познавање и образование.

Пријателите на Македонците и на Македонија од дијаспората каде живее македонската емиграција, како што се Членовите на Парламентите (МП) од актуелната власт или опозицијата се најповикани за признавање на македонскиот национален идентитет, македонскиот јазик, македонската историја и уставното име на Македонија.

За признавањето на уставното име на Македонија, во Австралија на пример, актуелната владеачка партија, Лабуристичката партија на Австралија, како и опозиционата партија на Австралија, Либералната партија на Австралија, која е во коалиција со Националната партија на Австралија, а и поедини самостојни политички партии, кои имаат свои претставници во австралиските држави и Федералниот Парламент, треба да ги цениме и да соработуваме со нив, што во пракса тоа не постои. Да им помогнеме во нивните политички ангажмани и активности да се одлучат да завземат позитивен став за македонското прашање и македонската реалност. Така ќе имаме и извесни влијанија за признавање на уставното име на Македонија.

 

На прво место

Историја

News image

Илинденските топчиња изработени од монасите на Бигорскиот Манастир

За „Македонска нација“ ги изнесе своите сеќавања 93 годишниот Блаже Јанкуловски-24 Јуни 2009 г.

Иселеници

News image

Сеќавање: 30 години од смртта на Јован Кокаловски

ПОЕТ, НОВИНАР И ОПШТЕСТВЕНИК На 30 мај 2020 година се н...

Култура и туризам

News image

ПРВИОТ РИМСКИ ИМПЕРАТОР ШТО ГО ПРИЗНАЛ ХРИСТИЈАНСТВОТО

3 јуни е празникот на светите рамноапостолни цареви Константин и Елена. 4 јуни е празникот на св...

Фељтон

News image

БАЛКАНОТ И МАКЕДОНИЈА (23)

КОЛОНИЗАЦИЈАТА НА ТЕБА ОД ФЕНИКИЈЦИТЕ - ДЕЛ I

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.