За тоа дека поедини личности-видни функционери на ОН и ЕУ кои на извесен начин биле вмешани за промена на уставното име на Македонија, ќе се послужиме со некои пишувања на познати македонски новинари, кои најсовесно си ја вршат својата професија.

Македонските Обединети Организации во Перт, Австралија организираа чествување на нашиот македонски национален и верски празник Илинден.

На 26 јули на посета во Литературното друштво дојде поетесата Марина Мијалковска од Македонија. Иако е на кратка посета во Сиднеј кај свои роднини, пројави желба да се сретне со нашите членови и ја посети библиотеката „Григор Прличев“ за која слушала дури во Македонија и секако да подари книги од својата најнова збирка „Куфери“. Иако средбата беше мошне кратка се воспостави контакт за подолгорочна соработка во полето на литературата. Инаку Марина е во процес на докторирање на Филолошкиот факултет „Блаже Конески“ во Скопје и се занимава со пишување на поезија, есеи, раскази и книжевни критики.

Веќе 22 години Република Македонија е изложена на притисоци и уцени од страна на јужниот сосед. И покрај пресудата на Меѓународниот Суд на правдата во Хаг, како и позитивните извештаи од страна на Европската комисија, Грција продолжува и натаму да ги попречува евроатланските интеграции на нашата татковина.

Македонскиот поет, критичар, есеист, преведувач и универзитетски професор Звонко Танески неодамна е избран за почесен член на словачкиот ПЕН центар.

Александар Русјаков во „Нова Македонија“ од 15 јули 2013 година, во статијата  „Апсурдизам“, меѓу другото вели: „Кога македонските државници и дипломати седнуваат на преговарачка маса да им кажат дека не можат да разговараат за име и јазикот на народот, затоа што тоа им го забранува македонскиот устав“. Понатаму за евроинтеграциите Русјаков вели: „Треба да се размислува и преговара, кога со уставен амандман ќе се забетонираат македонските идентитетски прашања“.

Градоначалникот на Поградец, Артан Шкмби на тркалезната маса по повод Рамковната конвенција за заштита на малцинствата во Москополе, Албанија, изјави дека не треба многу да се верува на меѓународните институции затоа што тие работат на страна на државата и користат два стандарди.

Петгодишен помен од загубата на првиот амбасадор на македонската култура во САД, патриот, уметник и пред се’ пријател на сите Македонци и пријатели на Македонија.

Народниот првобранител на Албанија во соработка со малцинствата во Албанија ќе формираат заедничка работна група, чија задача ќе биди изготвување на посебен извештај за положбата и правата на малцинствата во Албанија и овој извештај ќе биде доставен на разгледување до новиот парламент и новата албанска влада.

Невладината организација ОМО Илинден во недела во Петрич ќе чествува 998 години од големата битка на македонскиот цар Самоил. Основачот на ОМО Илинден Кирил Иванов вели дека одбележувањето ќе почне во 10 часот кај место Самоилова карпа.