Иселеници и Регион
Среда, 16 Мај 2018 03:00   
Атанас Близнаков – најголемиот донатор од македонското иселеништво (10)

atanas-bliznakov-10-1-180Славка Стојко Попова – Близнакова беше вечниот сопатник на Атанас Близнаков и негов верен брачен другар. Таа е олицетворение на една честита и благородна Македонка со која Атанас скоро шест децении го делеше и доброто и злото.

Повеќе...
 
Среда, 09 Мај 2018 03:06   
Комеморација со поезија за Гоце Делчев

komemoracija-sidnej-180Во Сиднеј Литературното друштво „Григор Прличев“ одржа КОМЕМОРАЦИЈА СО ПОЕЗИЈА ЗА ГОЦЕ ДЕЛЧЕВ

Повеќе...
 
Среда, 09 Мај 2018 03:02   
Илинденски прослави во Сиднеј, Австралија во 1972 година (34)

ilinden34-1-180

Во 1972 година илинденските прослави во иселеништвото минаa во знакот на одбележувањето на 75-годишнината од Илинденското востание и 34-годишнината од Првото заседание на АСНОМ. Македонските иселеници во прекуокеанските земји приредија низа успешни манифестации. Во Торонто, Детроит, Гери, Чикаго, Сиднеј, Мелбурн, Перт, Хамбург и други градови, бeа одржани свечени академии, културмо-уметнички приредби со богати програми.

Повеќе...
 
Среда, 09 Мај 2018 03:01   
Атанас Близнаков – најголемиот донатор од македонското иселеништво (9)

ab9-1-180Атанас Близнаков бил отпуштен од работа во февруари 1930 година и сé што имал спечалено дотогаш за осумгодишното работење, заедно со позајмените пари, го имал вложено за купување на неколку градежни парцели во градот Гери (Индијана). Така сметал дека сопствената заработувачка да ја затвори во сигурна вредност и се надевал дека ќе дојде до некој долар повеќе при нивното продавање.

Повеќе...
 
Среда, 02 Мај 2018 03:02   
Иселенички собири во Трново, Битолско и Љубојно во Преспа (33)

ilinden33-1-180

Во Трново, на 2 август 2003 година, како и триесет и една година пред тоа, на Илинден се одржа традиционалниот иселенички собир. Импозантен беше бројот на дојдените Македонци, собрани на едно место од сите светски меридијани. Претесен беше атарот на црквата „Св. Богородица",во селото Трново, недалеку од градот на конзулите Битола, во чиј двор се одржува Илинденската прослава, која ги прима сите оние кои сакаат да присуствуваат на таа иселеничка средба и на тие видувања, средби и разделби. Реката луѓе почнува да пристига уште во утринските часови во тоа живописно и прекрасно пелистерско село, потонато во зеленилото и ладовината на моликата, под убавиот Пелистер.

Повеќе...
 
Среда, 02 Мај 2018 03:00   
Атанас Близнаков – најголемиот донатор од македонското иселеништво (8)

atanas-bliznakov-8-1-180По дваиполмесечното патување Атанас Близнаков со групата д’мбенчани пристигнал во Њујоршкото пристаниште на Лонг Ајленд, во раните утрински часови на 14 декември 1920 година. По кратката процедура околу документите и опстојниот медицински преглед извршен од лекарска комисија, им била врачена дозвола за слободно влегување во САД.

Повеќе...
 
Среда, 25 Април 2018 03:19   
Годишно собрание на Канадско-македонското историско друштво од Торонто

kanadsko-makedonsko-istorisko-drustvo-180На 22 април 2018 година, Канадско-македонското историско друш­т­во од Торонто одржа Годишно собрание на кое се расправаше за сегашноста и иднината на оваа значајна асоцијаја. Тоа е единствено друштво од таков вид во дијаспората кое игра значајна улога во севкупната научна и културолошка активност на голем број македонски интелектуалции од Канада, а  кое е сместено и има своја богата библиотека во зградатана на “Канадско-македонското место“ познато како „Старскиот дом“ во Торонто.

Повеќе...
 
Среда, 25 Април 2018 03:02   
Прослави на Илинден во Крушево и во манастирот „Св. Прохор Пчински“ (32)

ilinden32-1-180

Прославите на Илиндено во Република Македонија се масовно посетени од илјадници Македонци и други националности, пријатели, гости и голем број македонски иселеници од Австралија, Канада, Соединетите Американски Држави, Европската Унија и од други земји по светот.

Повеќе...
 
Среда, 25 Април 2018 03:01   
Атанас Близнаков – најголемиот донатор од македонското иселеништво (7)

z

ЗАМИНУВАЊЕТО НА БЛИЗНАКОВ НА ПЕЧАЛБА ВО САД

,,Она што е птица, која го напуштила
гнездото свое,
тоа е човек, кој го напуштил
местото свое”

Соломонова изрека од Библијата

Заминувањето во туѓина и напуштањето на родното огниште на Македонците, главно, било од економски причини, но во одделни периоди, особено кога во Македонија имало востанија, војни и слично, и од политичка природа. Иселувањето на Македонците во прекуокеанските земји се надоврзува на печалбарството, кое уште во XIX век зазело широки размери.

Населението во планинските краиште живеело во тешки услови, земјата била недоволно плодна за да обезбеди прехранување, наталитетот бил висок, се зголемувале даноците, се множеле пљачкашките банди, замирало занаетчиството, затоа народот се определувал за печалбарство.

По Илинденското востание голем дел од д’мбенци тргнале да бараат животна егзистенција во туѓина на печалба, најмногу отишле во Америка, еден со друг се повлекувале. Повеќе од 200 д’мбенци во 1906 година биле на печалба во градот Медисон.

Како последица на Балканските војни (1912-1913) и Букурешкиот договор од 10 август 1913 година, Македонија била поделена меѓу трите балкански држави: Србија, Грција и Бугарија, со што на македонскиот народ му се нанесе голема историска неправда. Имено, поради лошата економско-политичка состојба, во почетокот во помал број, а подоцна тој број се зголемувал, Македонците почнале да ја напуштаат родната земја и да заминуваат на печалба во САД.

По поделбата на Македонија, селото Д’мбени се најде под грчка власт, која била сé полоша и се покажала мошне сурова спрема македонското население, бришејќи на најгруб начин сé што е македонско, дури и натписите на гробовите и на иконите во црквите. Сите младинци и поактивни мажи во Д’мбени биле уапсени и жестоко мачени од грчката полиција, помогната од грчката војска.

Прво ги тепале со дебело водено јаже, кое предизвикувало големи болки, а нивните викотници се слушале дури надвор од селото. Потоа им закачувале дрвени спици под ноктите, им ставале клинци меѓу прстите и ги стегале со здраво јаже. Несреќните селани биле подложени и на други свирепи маки и сето тоа се вршело со намера да се убие нивниот патриотски дух и поголемиот дел од нив да ги принудат да се иселат од родното огниште, од селото, од Македонија.

z2Пристаништето во Пиреја

Многумина од уапсените младинци лежеле по затворите. Речиси поголем дел од уапсените и мачените, по ослободувањето, веднаш го напуштале селото и емигрирале. Повеќето од нив емигрирале во Америка, еден дел во Бугарија и во други места. Некои од нив никогаш повеќе не се вратиле во селото.

Грчко-турската војна од 1919-1922 година му донела ново зло на македонското население во Беломорска Македонија. Тогаш биле мобилизирани многу мажи, како и многу младинци – Македонци од селото Д’мбени за да се борат на Малоазискиот фронт за сметка на големогрчките аспирации. Многумина од нив ги оставиле коските во Мала Азија.

Во тој период Грција ги мобилизирала младите уште на 19-годишна возраст. Во времето на Грчко-турската војна владата донела Закон, според кој, деца од 16 години и постари да не можат да добиваат пасоши за излегување од земјата. Со тоа грчката држава имала намера да ги мобилизира за војници кои требало да се борат против Турција.

Како што наближувало времето за отслужување на редовниот воен рок, така кај Атанас растела одбојноста да учествува во антитурската војна и да биде на страната на гробарите на својот народ. На регрутација требало да се јави во април 1921 година. Од тие причини тој и неколку негови сомисленици решиле да емигрираат во САД, земја кон која чувствувале симпатии, благодарение на она што го слушале од печалбарите – повратници, од своите најблиски.

Во 1920 година Атанас бил на 19-годишна возраст, а во идната 1921 година во април требало да биде регрутиран во грчката војска и да биде испратен на Малоазискиот фронт. За него друг излез немало освен да избега од Грција и да замине во САД.

Така, во октомври 1920 година Атанас, заедно со Андрико Љочков и Атанас Мангов, сите од селото Д’мбени, решиле илегално да заминат од Грција и да отидат во САД. Избегале од селото ноќно време за да не ги забележи никој и да ги предаде на властите. Патот бил тежок и неизвесен. Со повеќе страв и замор стасале до Атина, каде што се обратиле до една бродска агенција за да ги снабди со потребните документи за САД.

Таму, чекале повеќе од еден месец додека се снабдиле со нужните пасоши за кои платиле доста поткуп. Во Атина, меѓу другото, се сретнале со Ване, Нико и Сотир од Д’мбени, со Павле од селото Косинец и со Ристо од селото Лобаница, зголемувајќи ја групата на девет младинци – патници за САД.

По повеќе од месец дена од нивниот престој во Атина, дошол денот за да ја напуштат Грција. Тоа се случило во близината на Пирејското пристаниште, каде што требало да влезат во еден романски брод, натоварен со стока, што бил укотвен во непосредна близина на пристаништето.

Договорено било еден од агентите кој ги снабдил деветмината со пасоши, да ги однесе во заливот близу до Пиреја и да ги предаде на еден гемиџија, а тој бил платен од нивниот агент да ги префрли со чун до бродот. Меѓутоа, кога влегле во чунот и уште не биле оддалечени многу од брегот, гемиџијата го запрел чунот и им се обратил со следните зборови: ,,Момци, вие бевте предадени на полицијата која дојде тука да ве следи. Јас им дадов повеќе пари за да ве спасам од опасноста да не ве уапсат. Сега вие за тоа треба да платите по 20 драхми, колку што изнесува поткупот што го дадов за вас. Јас нема да заминам додека не ми платите. Инаку ќе ве вратам назад”.

И покрај тоа што не виделе ниту полиција, ниту колку пари дал гемиџијата, тие се нашле во негови раце и во водите на морето, а го гледале бродот кој ги чекал. Затоа, биле принудени да му ги дадат парите што ги барал гемиџијата (во драхми), што во тоа време вределе повеќе од еден златен наполеон.

По оваа непријатна сцена, влегле во трговскиот брод натоварен со стока кој пловел кон Неапол, во Италија. Во него имало една кабина во која се наоѓале патници кои оделе за Италија. Групата патници во која се наоѓал и Атанас влегла во кабината. Меѓутоа, таму имало толку голем мирис од патницит, кои ги фатила морска болест, што решиле да се качат на палубата.

По целиот пат тие стоеле на палубата додека стигнале во Неапол, каде што го напуштиле бродот. Во тој убав пристаништен град престојувале само неколку часа, бидејќи со воз тргнале за Париз, а оттаму за Марсеј. Патот бил долг, а неизвесностите сé поголеми. Во Марсеј останале две недели, биле сместени во едно скромно прифатилиште во вид на хотел кое имало ресторан во кој го минале времето до заминувањето за Авр, последната копнена дестинација од каде што требало да се качат на голем прекуокеански брод кој пловел за САД.

z3Прекуокеански брод

Веднаш по пристигнувањето во Марсеј, лице од агенцијата ги снабдило со патни билети од француската компанија: ,,Трансатлантик” и ги информирало дека патувањето за Америка ќе го извршат со бродот ,,Савој”.

Пред нивното заминување за Авр, агентот кој ги предводел до Марсеј требало да се врати во Атина. Пред да се разделат, тој дошол кај нив да се збогува последен пат и се обратил кон Атанас со желба тој да ја преземе грижата за своите другари до нивното пристигнување во САД. Потоа агентот се збогувал последен пат, им посакал добар пат и си заминал.

Во Авр престојувале околу 25 дена. За тоа време бродската компанија не давала резервација за бродовите. Секојпат кога бродот требало да замине за Америка, патниците влегувале кои како можеле и кои како се снаоѓале сé до исполнувањето на просторот во кабините со определениот број патници. Оние патници, пак, кои не успевале да се снајдат и да влезат во тој брод, требало да го чекаат наредниот брод. Имало патници кои чекале таму по неколку месеци и не можеле да заминат.

По долго чекање дошол денот кога бродот ,,Савој” требало да замине и со кој групата на Атанас требало да отпатува за Њујорк. Станале доста рано, секој од нив си го зел куферот и се упатиле кон пристаништето каде што бил укотвен бродот. Кога пристигнале на пристаништето виделе дека таму чекаат повеќе од 3.000 патници, кои сакале да заминат во САД, но поради немање место во тие бродови, биле принудени да чекаат друг брод.

За групата на Атанас тоа било разочарувачко и затоа на брзина се обратиле на некое одговорно лице од бродската компанија кое им ја покажало вратата, од каде што требало да влезат на бродот. Но тоа не било лесно и бил потребен голем напор за да се пробијат и да стигнат близу до влезот. Оделе еден по еден, но за жал вратата од која им кажале дека ќе се влезе во бродот не се отворила, а се отворила друга врата која се наоѓала подалеку од нив.

И додека тие стигнале до таа врата бројот на патниците кои требало да влезат во бродот ,,Савој” се пополнил. Затоа морале пак да се вратат во хотелот и да чекаат додека дојде друг брод во кој ќе има слободни места и со кој ќе патуваат до Америка.

Големиот број од патниците кои оделе од Франција за Америка со компанијата ,,Трансатлантик”, биле од источноевропските земји, поради што компанијата ставила некој младич од Балканот кој го познавал францускиот јазик, за да им услужува на патниците за Америка кои биле од словенско потекло.

Кога Атанас отишол кај него и му го кажал нивниот проблем, тој со внимание го сослушал и го информирал дека по неколку дена за Њујорк ќе замине бродот ,,Турен” и дека треба да му се јават за тој да ги поведе од друга страна на влезот во бродот. Ветувањето го исполнил. Кога пристигнал парабродот ,,Турен”, групата од Д’мбени отишла од другата врата и така влегла во бродот.

Инаку, бродот ,,Турен” бил изграден во времето на Првата светска војна, исклучиво да пренесува сојузнички војски за потребите на војната. Кабините на бродот биле прилично големи, а во онаа кабина во која биле сместени д’мбенци имало 68 легла, зафатени со патници за Америка. Леглата биле распоредени по три, едно над друго поставени на четири железни потпирачи, а биле покриени со ќебиња.

Бродот го напуштил пристаништето и се упатил кон морската шир. На неколку членови од групата им станало тешко од морската болест. Меѓутоа, цело време на патувањето од Авр до Њујорк на Атанас и на други двајца им било добро. Патувањето траело 12 дена, по што конечно пристигнале на Северноамериканскиот континент, на ,,ветената земја”, како што често ја нарекувале Америка.

Често се раскажувале голем број анегдоти за одењето на Македонците, а и на други, во САД и во Канада, како и за нивното враќање во ,,стариот крај”, во дедовската земја – Македонија, како што тие често ја викале.

Продолжува

katin14
Пишува: СЛАВЕ КАТИН

 
Среда, 18 Април 2018 03:41   
ВИСТИНАТА ЗА СОЗДАВАЊЕТО НА ГРЧКАТА ДРЖАВА

sotir-grozdanovski-180Неодамна на интернетската мрежа изненадно се појави видео документ за создавањето на современата грчка држава, како резултат на Револуцијата од 1821 година.  Изненадувањето беше угодно за Македонците,  но шокантно  за погрешно информираната грчка јавност.

Повеќе...
 


JPAGE_CURRENT_OF_TOTAL

На прво место

Историја

News image

140 години од МАКЕДОНСКОТО ВОСТАНИЕ во Кресна, Пиринска Македонија!

Печатот на Главниот штаб на МАКЕДОНСКОТО востание, на кој убаво се чита им...

Иселеници

News image

Ѓорѓија Џорџ Атанасоски - најголемиот инвеститор од македонското иселеништво (15)

Семејното дрво на Атанасовски е интересно со своите личнос...

Култура и туризам

News image

Манастирот „Св. Мала Богородица“ во Сливница – Преспа (13)

ВОВЕДУВАЊЕ НА ПРЕСВЕТА БОГОРОДИЦА ВО ХРАМОТ

Фељтон

News image

Александар Македонски (54)

Овде, во Опис, на најблиската точка до Вавилон и на линијата за комуницирање со Запа...

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.